قاراعاندى زووباعىندا افريكالىق ساۆاننالاردىڭ جاڭا تۇرعىندارى - گيەنالار مەن گيەنا ءتارىزدى يتتەر پايدا بولدى، دەپ حابارلايدى Dalanews.kz.
جانۋارلار ايىرباس باعدارلاماسى اياسىندا ەريەۆان قالاسىنان جەتكىزىلگەن.
قازىرگى ۋاقىتتا ولاردىڭ بەسەۋى دە كارانتيندە. سوعان قاراماستان، كەلۋشىلەر زووباقتىڭ جاڭا تۇرعىندارىن كورە الادى.
جولاقتى گيەنالار 2008 جىلى حالىقارالىق قىزىل كىتاپقا ەنگىزىلگەن. قاراعاندىعا ەكى ۇرعاشى جانە ءبىر ەركەك گيەنا اكەلىنگەن. ال گيەنا ءتارىزدى يتتەر - ءبىر جۇپ، ياعني ءبىر ۇرعاشى مەن ءبىر ەركەك. ولار ءۇشىن الدىن الا كەڭ ۆولەر دايىندالىپ، قورەكتەنۋ راسيونى دا زەرتتەلگەن.
كۇندىز ولار كوبىنە ۇيىقتايدى، ال تۇندە بەلسەندى بولادى. جاڭا تۇرعىندار جاس ءارى دەنى ساۋ، سوندىقتان زووباق اكىمشىلىگى تولدەۋ بولۋىن اسىعا كۇتىپ وتىر. بۇل جانۋارلار مىسىقتارىزدىلەر تۇقىمداسىنا جاتادى جانە افريكانىڭ ساۆاننالارىندا مەكەندەيدى.
