Búgin Astanada eks-ministr Qýandyq Bishimbaevqa qatysty alǵashqy sot otyrysy ótip jatyr, - dep habarlaidy Dalanews.kz.
Prokýror sot otyrysy barysynda birneshe málimdeme jasady. Onyń aitýynsha, Qýandyq Bishimbaev pen Saltanat Núkenovanyń arasyndaǵy neke resmi túrde tirkelmegen.
"Bishimbaev marqumnyń telefon qońyraýlaryn baqylap, oǵan jumys isteýge tyiym salyp, ony tolyǵymen qarjylyq jaǵynan táýeldi etken. Qyzǵanyshptan júieli túrde fizikalyq zorlyq-zombylyq jasaǵan. 2023 jyly naýryz aiynyń ortasynda Bishimbaev Astanada Núkenovany urǵan.
Saltanat Núkenova aǵasyna shaǵymdandy. Ol ony Bishimbaevpen ajyrasýǵa kóndirdi, biraq ol bas tartqan. 2023 jyly jazda Bishimbaev Núkenovaǵa Almatyǵa kóshýdi usyndy. Ol zorlyq-zombylyq toqtaidy degen úmitpen kelisken. Alaida Bishimbaev oǵan fizikalyq zorlyq-zombylyq jasaýdy jalǵastyrǵan", - dep keltirdi prokýror.
Aita keteiik, buǵan deiin mádeniet jáne aqparat ministri Aida Balaeva atyshýly Qýandyq Bishimbaevtyń isine qatysty pikir bildirdi.
"Bizdiń elde tsenzýraǵa tyiym salynady, al media oiynshylar kóbine "tyiym salynbaǵannyń bárine ruqsat etiledi" qaǵidaty boiynsha jumys isteidi. Biz jaqynda jýrnalistik etikaǵa arnalǵan dóńgelek ústel ótkizdik jáne sol jerde jýrnalistiń etikasy óz-ózin qadaǵalaý sheginde bolýy kerek degen qorytyndyǵa keldik.
Búginde kórip otyrǵanymyzdai, ózin-ózi qadaǵalaý degen nárse kóbine jumys istemeidi, ásirese, oiynshylardy "qyzyqtyrýǵa" bolatyn kezde.
Biz mehanizmderdi túsinemiz jáne Bishimbaev isinde búgin bolyp jatqan media naýqannyń qalpyn kórip otyrmyz. Ókinishke qarai, teris múddeni basshylyqqa ala otyryp, barlyq qabyldanǵan jalpyadamzattyq normalar men qaǵidalarǵa qaishy, ótirik ári qoǵamdyq sanany manipýliatsiialaýmen ainalysatyn adamdar qoǵamnan shettetiledi. Óitkeni qoǵam aqymaq emes.
Men árqashan kásibi jýrnalister qaýymdastyǵyn baǵalaý kerek dep aitatynmyn. Olar - oily, aqyldy jáne kúshti adamdar", - dedi ministr Tengrinews.kz-ke bergen suhbatynda.
Eske salaiyq, byltyr Qýandyq Bishimbaev áieli Saltanat Núkenovany óltirdi degen kúdikpen qamaýǵa alynǵan edi. Oqiǵa 2023 jyly 9 qarashada Astana qalasyndaǵy BAU meiramhanasynda boldy.
