بۇگىن استانادا ەكس-مينيستر قۋاندىق بيشىمبايەۆقا قاتىستى العاشقى سوت وتىرىسى ءوتىپ جاتىر، - دەپ حابارلايدى Dalanews.kz.
پروكۋرور سوت وتىرىسى بارىسىندا بىرنەشە مالىمدەمە جاسادى. ونىڭ ايتۋىنشا، قۋاندىق بيشىمبايەۆ پەن سالتانات نۇكەنوۆانىڭ اراسىنداعى نەكە رەسمي تۇردە تىركەلمەگەن.
"بيشىمبايەۆ مارقۇمنىڭ تەلەفون قوڭىراۋلارىن باقىلاپ، وعان جۇمىس ىستەۋگە تىيىم سالىپ، ونى تولىعىمەن قارجىلىق جاعىنان تاۋەلدى ەتكەن. قىزعانىشپتان جۇيەلى تۇردە فيزيكالىق زورلىق-زومبىلىق جاساعان. 2023 جىلى ناۋرىز ايىنىڭ ورتاسىندا بيشىمبايەۆ استانادا نۇكەنوۆانى ۇرعان.
سالتانات نۇكەنوۆا اعاسىنا شاعىمداندى. ول ونى بيشىمبايەۆپەن اجىراسۋعا كوندىردى، ءبىراق ول باس تارتقان. 2023 جىلى جازدا بيشىمبايەۆ نۇكەنوۆاعا الماتىعا كوشۋدى ۇسىندى. ول زورلىق-زومبىلىق توقتايدى دەگەن ۇمىتپەن كەلىسكەن. الايدا بيشىمبايەۆ وعان فيزيكالىق زورلىق-زومبىلىق جاساۋدى جالعاستىرعان"، - دەپ كەلتىردى پروكۋرور.
ايتا كەتەيىك، بۇعان دەيىن مادەنيەت جانە اقپارات ءمينيسترى ايدا بالايەۆا اتىشۋلى قۋاندىق بيشىمبايەۆتىڭ ىسىنە قاتىستى پىكىر ءبىلدىردى.
"ءبىزدىڭ ەلدە سەنزۋراعا تىيىم سالىنادى، ال مەديا ويىنشىلار كوبىنە "تىيىم سالىنباعاننىڭ بارىنە رۇقسات ەتىلەدى" قاعيداتى بويىنشا جۇمىس ىستەيدى. ءبىز جاقىندا جۋرناليستىك ەتيكاعا ارنالعان دوڭگەلەك ۇستەل وتكىزدىك جانە سول جەردە ءجۋرناليستىڭ ەتيكاسى ءوز-وزىن قاداعالاۋ شەگىندە بولۋى كەرەك دەگەن قورىتىندىعا كەلدىك.
بۇگىندە كورىپ وتىرعانىمىزداي، ءوزىن-وزى قاداعالاۋ دەگەن نارسە كوبىنە جۇمىس ىستەمەيدى، اسىرەسە، ويىنشىلاردى "قىزىقتىرۋعا" بولاتىن كەزدە.
ءبىز مەحانيزمدەردى تۇسىنەمىز جانە بيشىمبايەۆ ىسىندە بۇگىن بولىپ جاتقان مەديا ناۋقاننىڭ قالپىن كورىپ وتىرمىز. وكىنىشكە قاراي، تەرىس مۇددەنى باسشىلىققا الا وتىرىپ، بارلىق قابىلدانعان جالپىادامزاتتىق نورمالار مەن قاعيدالارعا قايشى، وتىرىك ءارى قوعامدىق سانانى مانيپۋلياسيالاۋمەن اينالىساتىن ادامدار قوعامنان شەتتەتىلەدى. ويتكەنى قوعام اقىماق ەمەس.
مەن ءارقاشان كاسىبي جۋرناليستەر قاۋىمداستىعىن باعالاۋ كەرەك دەپ ايتاتىنمىن. ولار - ويلى، اقىلدى جانە كۇشتى ادامدار"، - دەدى مينيستر Tengrinews.kz-كە بەرگەن سۇحباتىندا.
ەسكە سالايىق، بىلتىر قۋاندىق بيشىمبايەۆ ايەلى سالتانات نۇكەنوۆانى ءولتىردى دەگەن كۇدىكپەن قاماۋعا الىنعان ەدى. وقيعا 2023 جىلى 9 قاراشادا استانا قالاسىنداعى BAU مەيرامحاناسىندا بولدى.
