Qazaqstanda Qyzyl kitapqa engen qyzǵaldaq pen báisheshek siiaqty sirek ósimdikterdi julý qylmystyq jaýapkershilikke ákelýi múmkin, dep habarlaidy Dala News.
Ekologiia jáne tabiǵi resýrstar ministri Erlan Nysanbaevtyń aitýynsha, mundai ósimdikterdi julǵandarǵa qatań jaza qarastyrylǵan.
«Qyzǵaldaq pen báisheshekti julý úshin bizde qatań jaza bar, sondyqtan men bul ósimdikterdi julmaǵan durys dep keńes beremin. Olar kóp emes jáne bul tizimge beker engizilmegen. Álemde jyl saiyn ósimdikterdiń, árine, janýarlardyń da kóptegen túri joiylyp ketedi. Kez kelgen túrdiń joǵalýy qaitymsyz teris saldarǵa ákelýi múmkin. Sondyqtan tabiǵatty qorǵańyzdar», — dedi ministr.
Onyń sózinshe, Qyzyl kitapqa engizilgen ósimdikterdiń tizimi óte úlken, myńdaǵan túrdi qamtidy. Ministr olardyń naqty sanyn atai almaǵanymen, báisheshek te sirek ósimdikter qataryna jatatynyn atap ótti.
Qazaqstan zańnamasyna sáikes, Qylmystyq kodekstiń 339-baby boiynsha sirek kezdesetin jáne joiylyp ketý qaýpi tóngen ósimdikterdi zańsyz julý 3 000 ailyq eseptik kórsetkishke deiin aiyppul salýǵa ákelýi múmkin.
2026 jylǵy esep boiynsha bul shamamen 13 million teńgege deiin aiyppul degen sóz.
Eske salaiyq, 2025 jyldyń sáýirinde Túrkistan oblysynda bir áiel Qyzyl kitapqa engen jabaiy qyzǵaldaqtardy julyp alǵany úshin qylmystyq is qozǵalǵan bolatyn. Oqiǵa áleýmettik jelide taraǵan videodan keiin belgili bolǵan.
