Tanymal qazaqstandyq akter qyzdy urdy dep aiyptaldy. Akter Shárip Serik osy aiyptaýdan keiin málimdeme jasady, – dep habarlaidy Dalanews.kz.
Ol qyzdyń ózinen de, dúiim jurttan da keshirim surady.
"Men zorlyq-zombylyqqa qarsymyn. Ókinishke qarai, meniń Áliiany liftiden julqyp shyǵarǵan videomdy kórdińizder. Bul video arqyly ózimdi aqtaǵym kelmeidi. Aýyr áreket jasadym. Zań aldynda tolyq jaýap berýge daiynmyn.
Sizderden meniń qatemdi qaitalamaýdy jáne qol kótermeýdi suraimyn. Men Áliiany shapalaqpen urdym, sol úshin odan, onyń otbasynan jáne meniń áreketim aýyr tigen barlyq adamnan keshirim suraimyn", - dedi akter.
Aita keteiik, buǵan Áliia Býteeva esimdi qyz jelide sýret-videolar jariialady. Kadrlardan akter Shárip Serik qyzdyń artynan jalań aiaq júgirip shyǵyp, qolynan ustap, liftten shyǵaryp alǵany kórinedi.
Qyz beti qyzarǵan sýretterin de jariialady.
Qazir osy oqiǵa boiynsha tekseris júrgizilip jatyr.
"Bul derek boiynsha tekseris júrgizilip jatyr. Oqiǵanyń mán-jaiy, sonyń ishinde orny men ýaqyty anyqtalyp, Qazaqstan Respýblikasynyń zańnamasyna sáikes sharalar qoldanylady", - dedi Almaty Politsiia departamenti ókili.
Osy oqiǵadan keiin Sálem Entertainment kompaniiasy akter Shárip Serikpen áriptestik qarym-qatynasyn toqtatý týraly sheshim qabyldady.
