Qyzdar ýniversitetiniń rektory talantty bilim alýshylarmen kezdesýde
Buǵan deiin stýdenttik ózin-ózi basqarý uiymdarynyń belsendilerimen Ábilhan Qasteev atyndaǵy QR memlekettik óner mýzeiinde kezdesse, respýblikalyq pándik olimpiada jeńimpazdarymen júzdesý M. Áýezov atyndaǵy Qazaq ulttyq drama teatrynda jalǵasyn tapqan bolatyn.
Bul joly Gúlmira Qanaidyń birneshe halyqaralyq jáne respýblikalyq óner baiqaýynyń jeńimpazy atanǵan «Tomiris» bi ansambliniń múshelerimen kezdesý Abai atyndaǵy Qazaq ulttyq opera jáne balet teatrynda ótti.
Ýniversitet rektory ónerpaz jastarmen birge Memlekettik «Saltanat» bi ansambliniń kontsertin tamashalap, túrli taqyryp aiasynda suhbattasty.
Óz kezeginde ansambl músheleri oqý ornynyń basshysyna saýaldaryn qoiýǵa da múmkindik aldy.
– Bizder Gúlmira Ámirhanqyzynyń jańashyldyǵyna, qarapaiymdylyǵyna jáne stýdentterge degen ashyqtyǵyna tántimiz. Kezdesý barysynda kóptegen aqparat aldyq. Bizdi mazalap júrgen máselelerdiń de sheshimin taptyq. Shyǵarmashylyq josparlarymyzben de bólisýge múmkindik berildi. Aldaǵy ýaqytta da turaqty túrde kezdesip turýǵa ýaǵdalastyq, – deidi «Tomiris» ansambliniń músheleri.
