Qyrǵyzstanda qyz súıis kezinde jigittiń tili men erniniń bir bóligin tistep julyp alǵan, dep habarlaıdy Dalanews.kz 24.kg-ǵa siltep.
Manas qalasynda 26 jastaǵy er adam tiliniń jáne tómengi erniniń bir bóligi jaraqattanyp, aýrýhanaǵa túsken. Aldyn ala málimetke sáıkes ol jaraqatty 18 jastaǵy qyzben súıis kezinde alǵan.
Oqıǵa 8 qarashada bolǵan. Zardap shekken jigit aýrýhanaǵa ózi kelgen. Dárigerler onyń jaralanǵan jerin tigip bergen, qazir jaǵdaıy turaqty.
Djala-Abad oblystyq aýrýhanasynyń málimetinshe, er adamnyń tiliniń shamamen 30 paıyzy jáne erniniń 40 paıyzy zaqymdanǵan.
Basylym málimetinshe, ekeýi toıda ishimdik ishken. Keıin qyz súıisý kezinde jigittiń tilin jáne ernin qatty tistep alǵan.
Eki taraptyń da psıhıkalyq jaǵdaıy qalypty. Oqıǵaǵa baılanysty sot-medısınalyq saraptama taǵaıyndalyp, tekseris júrgizilip jatyr.
