Qytaidy Qazaqstannyń dárilik shópteri qyzyqtyrady
Másele óte ózekti! Jer máselesiniń saiasi tustarynan bólek, komissiia músheleri erekshe mańyz bere qaraityn bir nárse eskerýsiz qalyp otyr.
Bul – Qazaqstandaǵy dárilik, emdik ósimdikterge qatysty. Qazirgi tańda Qazaq jerin – «bos jatqan jer» dep birjaqty qaraý ústem bolyp tur. Sol «bos jatqan» jerde neshetúrli emdik jáne dárilik ósimdikter bar. Bir ǵana miia ósimdigi sońǵy birneshe jylda túp-tamyrymen qoparylyp, Qytaiǵa satylýda. Qytai álemdik farmatsevtika salasynda uly tóńkeris jasap jatyr. Neniń esebinen? Negizinen Qazaqstan, Mońǵoliia sekildi elderdiń tabiǵi dárýmenderge bai dárilik ósimdikteriniń esebinen!
Qazaqstannyń dárilik ósimdikteriniń esebin alyp, ony kózdiń qarashyǵyndai qorǵap, saqtap, otandyq farmatsevtikaǵa oraily paidalanyp, tabiǵi bailyǵymyzdy durystap igerýdiń keshendi baǵdarlamasy bar ma?!. Eger osy sala durys jolǵa qoiylsa – million gektarlap egin ekpei-aq Qazaqstan ekonomikasyna milliardtaǵan tabys ákelýge bolar edi ǵoi!
Meniń qaýpim – «bos jatqan» jerlerdegi dárilik jáne emdik shópterdiń, ósimdikterdiń birinshi kezekte «sheteldik investorlardyń» ońai olja tabatyn salasyna ainalyp kete me degen másele! Bir kúngi arzan tabys úshin bizdiń keibir azamattarymyz sol bailyqty asqan jyrtqyshtyqpen túp-tamyrymen joiyp, satyp jatyr. Osyǵan memlekettik tosqaýyl qoiylýy qajet!
Úkimettik komissiia osy máselege airyqsha nazar aýdarsa deimin. Tiisti mamandardan sarapshylar tobyn jasaqtap, Parlamentke «Qazaqstannyń dárilik ósimdikterin qorǵaý týraly» Zań jobasyn ázirlep usynýdy qajet dep bilemin.
Nurtóre Júsiptiń FB paraqshasyndaǵy jazbasy
