2025–2026 oqý jylynda "Erte jastan kásipke jáne eńbekke baýlý" pılottyq jobasy iske qosylmaq, dep habarlaıdy Dalanews.kz.
Jobaǵa respýblıka boıynsha 100 mektepke deıingi uıym qatysady, onyń ishinde 62 memlekettik jáne 38 jekemenshik balabaqsha bar. Baǵdarlama 4 pen 5 jastaǵy balalardy qamtıdy.
"Jobanyń maqsaty – balalardy eńbekke baýlý, olardyń boıynda eńbekqorlyq, jaýapkershilik jáne tabandylyq sıaqty qasıetterdi qalyptastyrý. Sondaı-aq, eńbek pen túrli mamandyq ıelerine qurmetpen qaraýdy úıretý", - dedi Oqý-aǵartý mınıstrligi ókilderi.
Joba mazmuny balanyń jas ereksheligi men qyzyǵýshylyǵyna saı ázirlengen. Balalar kúndelikti oıyn jáne tájirıbe arqyly kásip túrlerimen tanysady, qarapaıym eńbek daǵdylaryn meńgeredi.
