Bas prokýratýra Aqjarqyn Turlybai Qazaqstanǵa oraldy degen aqparatqa qatysty túsinik berdi, - dep habarlaidy Dalanews.kz Tengrinews.kz-ke siltep.
Buǵan deiin áleýmettik jelide Aqjarqyn Turlybai Qazaqstanǵa ekstraditsiialanǵany týraly aqparat taraǵan bolatyn. Bas prokýratýra bul aqparatty rastamady.
"QHR-da sottalǵan Aqjarqyn Turlybaidyń ótinishi negizinde Qytai tarapyna ony Qazaqstanǵa aýystyrý týraly suraý salyndy. Qytai Halyq Respýblikasy Ádilet ministrliginiń jaýabyna sáikes, Aqjarqyn Turlybaidy jazasyn odan ári óteý úshin Qazaqstan Respýblikasyna ekstraditsiialaýdan bas tartty, sebebi ol ómir boiyna bas bostandyǵynan aiyrylǵan. Qazirgi ýaqytta jazany odan ári óteý úshin Aqjarqyn Turlybaidy Qazaqstanǵa berý boiynsha jumys jalǵasyp jatyr", - dep habarlady Bas prokýratýranyń halyqaralyq-quqyqtyq yntymaqtastyq qyzmeti.
Aita keteiik, Aqjarqyn Turlybai 2014 jyly Almatydan Qytaiǵa barǵan bolatyn. Onyń sózinshe, tanys adamdary Gýanchjoýdan Malaiziiaǵa brend kiimderdi jetkizip, aqsha tabýdy usynǵan. Qazaqstandyq stýdent Gýanchjoýdan ushar aldynda ustaldy. Onyń sómkesinen esirtki tabylǵan bolatyn.
