باس پروكۋراتۋرا اقجارقىن تۇرلىباي قازاقستانعا ورالدى دەگەن اقپاراتقا قاتىستى تۇسىنىك بەردى، - دەپ حابارلايدى Dalanews.kz Tengrinews.kz-كە سىلتەپ.
بۇعان دەيىن الەۋمەتتىك جەلىدە اقجارقىن تۇرلىباي قازاقستانعا ەكستراديسيالانعانى تۋرالى اقپارات تاراعان بولاتىن. باس پروكۋراتۋرا بۇل اقپاراتتى راستامادى.
"قحر-دا سوتتالعان اقجارقىن تۇرلىبايدىڭ ءوتىنىشى نەگىزىندە جۇڭگو تاراپىنا ونى قازاقستانعا اۋىستىرۋ تۋرالى سۇراۋ سالىندى. جۇڭگو حالىق رەسپۋبليكاسى ادىلەت مينيسترلىگىنىڭ جاۋابىنا سايكەس، اقجارقىن تۇرلىبايدى جازاسىن ودان ءارى وتەۋ ءۇشىن قازاقستان رەسپۋبليكاسىنا ەكستراديسيالاۋدان باس تارتتى، سەبەبى ول ءومىر بويىنا باس بوستاندىعىنان ايىرىلعان. قازىرگى ۋاقىتتا جازانى ودان ءارى وتەۋ ءۇشىن اقجارقىن تۇرلىبايدى قازاقستانعا بەرۋ بويىنشا جۇمىس جالعاسىپ جاتىر"، - دەپ حابارلادى باس پروكۋراتۋرانىڭ حالىقارالىق-قۇقىقتىق ىنتىماقتاستىق قىزمەتى.
ايتا كەتەيىك، اقجارقىن تۇرلىباي 2014 جىلى الماتىدان قىتايعا بارعان بولاتىن. ونىڭ سوزىنشە، تانىس ادامدارى گۋانچجوۋدان مالايزياعا برەند كيىمدەردى جەتكىزىپ، اقشا تابۋدى ۇسىنعان. قازاقستاندىق ستۋدەنت گۋانچجوۋدان ۇشار الدىندا ۇستالدى. ونىڭ سومكەسىنەن ەسىرتكى تابىلعان بولاتىن.
