Qazaqstandyq jol jóndeıtin kompanıalar janaıqaıyn aıtty, dep habarlaıdy Dalanews.kz Ulysmedia.kz-ke siltep.
Qazaqstan jolshylary qaýymdastyǵynyń prezıdenti Baǵlan Baımaǵambetovtiń aıtýynsha, otandyq merdigerler iri tenderlerden shettetilip, olardyń ornyn shetel kompanıalary basyp jatyr.
Baımaǵambetov qazaqstandyq kompanıalardyń biliktiligi bola tura osyndaı jaǵdaı bolyp jatyr dep esepteıdi.
2023 jyly Qyzylorda-Jezqazǵan tasjolyn qaıta jańǵyrtý jobasyna jarıalanǵan 8 lottyń bárin Qytaı kompanıalary jeńip alǵan. Al 2022 jyly alty lottyń tek bireýi qazaqstandyq merdigerge buıyrǵan. Baǵlan Baımaǵambetov bul úrdis tutas salanyń joıylýyna aparady dep alańdaıdy: búginde jol qurylysy fakúltetteri jabylyp jatyr, jas mamandar jetispeıdi, al tájirıbeli kadrlar birtindep bul mamandyqtan kete bastaǵan.
Qyzylorda-Jezqazǵan jolyn jóndeý jobasyna Azıa damý banki arqyly qarjy bólingen. Jalpy ınvestısıa kólemi 300 mıllıon dollardan asady.
Qytaı kompanıasy salyp jatqan taǵy bir joba – Qalbataý-Maıqapshaǵaı tasjoly. Halyqaralyq jol 2022 jyly tolyq paıdalanýǵa berilýi kerek edi. Alaıda qurylys jumystary áli kúnge deıin bitpegen.
