قازاقستاندىق جول جٶندەيتٸن كومپانييالار جانايقايىن ايتتى, دەپ حابارلايدى Dalanews.kz Ulysmedia.kz-كە سٸلتەپ.
قازاقستان جولشىلارى قاۋىمداستىعىنىڭ پرەزيدەنتٸ باعلان بايماعامبەتوۆتٸڭ ايتۋىنشا, وتاندىق مەردٸگەرلەر ٸرٸ تەندەرلەردەن شەتتەتٸلٸپ, ولاردىڭ ورنىن شەتەل كومپانييالارى باسىپ جاتىر.
بايماعامبەتوۆ قازاقستاندىق كومپانييالاردىڭ بٸلٸكتٸلٸگٸ بولا تۇرا وسىنداي جاعداي بولىپ جاتىر دەپ ەسەپتەيدٸ.
2023 جىلى قىزىلوردا-جەزقازعان تاسجولىن قايتا جاڭعىرتۋ جوباسىنا جارييالانعان 8 لوتتىڭ بەرٸن قىتاي كومپانييالارى جەڭٸپ العان. ال 2022 جىلى التى لوتتىڭ تەك بٸرەۋٸ قازاقستاندىق مەردٸگەرگە بۇيىرعان. باعلان بايماعامبەتوۆ بۇل ٷردٸس تۇتاس سالانىڭ جويىلۋىنا اپارادى دەپ الاڭدايدى: بٷگٸندە جول قۇرىلىسى فاكۋلتەتتەرٸ جابىلىپ جاتىر, جاس ماماندار جەتٸسپەيدٸ, ال تەجٸريبەلٸ كادرلار بٸرتٸندەپ بۇل ماماندىقتان كەتە باستاعان.
قىزىلوردا-جەزقازعان جولىن جٶندەۋ جوباسىنا ازييا دامۋ بانكٸ ارقىلى قارجى بٶلٸنگەن. جالپى ينۆەستيتسييا كٶلەمٸ 300 ميلليون دوللاردان اسادى.
قىتاي كومپانيياسى سالىپ جاتقان تاعى بٸر جوبا – قالباتاۋ-مايقاپشاعاي تاسجولى. حالىقارالىق جول 2022 جىلى تولىق پايدالانۋعا بەرٸلۋٸ كەرەك ەدٸ. الايدا قۇرىلىس جۇمىستارى ەلٸ كٷنگە دەيٸن بٸتپەگەن.
