[caption id="attachment_19106" align="alignright" width="274"]
Buǵan deiin milliard halqy bar Qytai halyq respýblikasy atynan olimpiadaǵa eki etnikalyq qazaq – balýan Álnur Tórgeuly men boksshy Qanat Islam Afiny olimpiadasyna qatysqan bolatyn. Qanat Islam 2008 jyly Beijiń olimpiadasyna ekinshi ret qatysyp, qolaǵa ie bolǵan.
[caption id="attachment_19107" align="alignleft" width="319"]
Rio olimpiadasyna Qytai quramasy atynan jarysqa qatysatyn Erlanbek Káteiuly 1985 jyly Altai aimaǵy Qyzyltas qalashyǵynda dúniege kelgen. 2000 jyldan beri kúreske qatysyp, aýdan, aimaq, ólkelik jarystarda top jarǵan balýan. 2008 jyly Qytai memlekettik jarysynda kúmis, 2009 jyly qola medalǵa ie bolǵan. 2010 jyly Býdapesht qalasynda ótken álemdik jarysta qolaǵa ie bolǵan. Ol 2012 jyly Finliandiiada ótken halyqaralyq jarysta úshinshi orynǵa kóterilip, óz quramasynyń baǵyn ústem etýge úles qosqan. Odan keiin de onyń alǵan medaldary jeterlik. Qytai, Aziia, Eýropa jáne álemdik dostyq jáne resmi kezdesýlerde san márte júldeli oryndarǵa ie bolǵan aitýly balýan. 2016 jyly kóktemde Astanada ótken Olimpiadaǵa irikteý jarysynda olimpiadaǵa qatysý múmkindigine ie boldy.
[caption id="attachment_19108" align="alignleft" width="178"]
Nurlan Dáýlethanulynyń aitýynsha: «Erlanbek kúshi men mysy ózine sai balýan. Ol boz kilemde ózin erkin sezine otyryp, qarsylasynyń barlyq amal-tásilderin aldyn ala boljai biledi».
Ol Erlanbek Káteiulynyń osy olimpiadada júlde alý múmkindigi zor ekenin aitady. Óitkeni, olimpiadaǵa joldama alýdan buryn, Qytaidyń óz ishinen sýyrylyp shyǵý óte qiyn. Bul elde báseke joǵary. Al Erlan bolsa, milliardty óziniń naǵyz kásipqoi balýan ekendigimen moiyndatyp úlgirgen.
«Qytai qazaqtarynyń ishinen shyqqan myqty balýandar jeterlik. Olardyń kóbiniń baby keliskenimen, baǵy kelispedi. Buǵan deiin de Qytaidyń ózin moiyndatyp, álemdik jarystarda top jarǵan birneshe balýan boldy. Solardyń biri 2004 jyly Afiny olimpiadasyna qatysqan, oǵan deiin de álemdik jarystarda talai márte júlde tuǵyryna kóterilgen Álnur Tórgeuly. Erlanbekke bul joldama ońailyqpen kelgen joq. Ol osy jaýapkershilikti túsinedi. Sondyqtan biik tuǵyrdan kóriner degen úmitimiz bar», – deidi Nurlan Dáýlethan.
Erlanbek Káteiuly 21 tamyz kúni Rio tórinde beldesýge shyǵady. Buǵan deiin ózbekstandyq qandasymyz Elmurat Tasmuratov grek-rim kúresi boiynsha qola júldege ie bolǵan. Ózge elde júrgen bahadúrlerdiń jeńisti jolyn E. Káteiuly jalǵasyn dep tileimiz.
