Mınıstrlik baspasóz qyzmetiniń habarlamasynda Qytaı áskerı tehnıkalary Dostyq-Aqtoǵaı-Aıagóz-Aýyl-Lokot marshrýty arqyly Reseıdiń Chelábınsk oblysyndaǵy Chebarkýl polıgonyna ketip bara jatqany aıtylady. Resmı aqparatta Qytaı áskerı tehnıkalaryn "Shyǵys" aımaqtyq qolbasshylyǵy qaraýylmen alyp júretini aıtylǵan.
Qorǵanys mınıstrliginiń aqparatyna qaraǵanda, "Beıbit mısıa" dep atalatyn jattyǵýǵa SHYU elderi - Qazaqstan, Qyrǵyzstan, Qytaı, Pákistan, Reseı, Tájikstan, Ózbekstan jáne Úndistannyń úsh myńnan astam áskerı qyzmetkeri men 500-den astam qarý-jaraq jáne tehnıka qatysady.
Qazaqstan qorǵanys mınıstrligi sonymen qatar Qazaqstan qarýly kúshteriniń áskerı eshelondary jattyǵýǵa 18 tamyz kúni attanatynyn habarlady.
«QmD» aqparat
