Qyrkúıekten bastap Qazaqstan mektepterinde mańyzdy ózgeris engiziledi, dep habarlaıdy Dalanews.kz.
Oqý-aǵartý mınıstri Ǵanı Beısembaev jańa oqý jylynyń basynda qazaqstandyq mektepterdi qandaı ózgeris kútip turǵanyn aıtty.
Beısembaevtyń aıtýynsha, Qazaqstanda jańa oqý jyly dástúrli túrde 1 qyrkúıekte bastalyp, 25 mamyrda aıaqtalady.
Mınıstrdiń málimdeýinshe, bilim kúnine arnalǵan saltanatty jıynnyń ótkizý kúni endi mektep deńgeıinde – pedagogıkalyq keńes sheshimimen anyqtalady.
"Oqý prosesi 2 qyrkúıekten bastalady. Al saltanatty jıynnyń kúni men ýaqyty mekteptiń pedsovetiniń sheshimimen belgilenedi. Eger mektep, pedsovet saltanatty sharany dál 1 qyrkúıekte ótkizýdi jón dep tapsa – ondaı múmkindik beriledi", – dedi mınıstr.
