Qazaqstanda sý sharýashylyǵy qyzmetkerleriniń jalaqysyn kóterýdi kózdeıtin "Tabıǵı monopolıalar týraly" zańǵa engizilgen túzetýler kúshine endi, dep habarlaıdy Dalanews.kz.

Qazir Sý resýrstary jáne ırrıgasıa mınıstrligi men Ulttyq ekonomıka mınıstrligi osy zańdy iske asyrýǵa baǵyttalǵan normatıvtik-quqyqtyq aktilerdi tirkeý jumystaryn júrgizip jatyr.

"Sý sharýashylyǵy qyzmetkerleriniń jalaqysy bıyl qyrkúıekten bastap artady. El boıynsha sýmen jabdyqtaý jáne sý burý qyzmetin kórsetetin 25 myńnan asa qyzmetkerdiń jalaqysy ósedi. Aımaqtarǵa baılanysty jáne resmı statısıkalyq málimetterge sáıkes eńbekaqy orta eseppen 35-50%-ǵa kóbeıedi", - dep jazylǵan habarlamada.

Bul túzetýlerdi ázirleý byltyr bastalǵan bolatyn. Bıyl maýsymda zań jobasyna Memleket basshysy qol qoıdy.