Qyrǵyzstannyń burynǵy prezidenti Almazbek Atambaev 11 jylǵa sottaldy, dep habarlaidy Dalanews.kz.
Sot sheshimi
Bishkektegi Birinshi Mai aýdandyq soty Qoi-Tash oqiǵasyna qatysty atyshýly is boiynsha úkim shyǵardy. Bul is bes jyldan astam ýaqyt boiy qaralyp kelgen edi.
Kaktus.media málimetinshe, basty aiyptalýshy, iaǵni Qyrǵyzstannyń burynǵy prezidenti Almazbek Atambaev 11 jyl 6 aiǵa bas bostandyǵynan aiyryldy. Sonymen qatar, sot onyń barlyq memlekettik marapattaryn tartyp alyp, múlkin tárkileýge sheshim shyǵardy.
Aita keteiik, buǵan deiin Qyrǵyzstannyń burynǵy prezidenti Almazbek Atambaevqa qatysty Qoi-Tashtaǵy oqiǵalar boiynsha ótip jatqan sotta taraptardyń jaryssózderi aiaqtaldy.
Prokýrorlar eks-prezidentti 11 jylǵa bas bostandyǵynan aiyrýdy suraǵan edi.
Qoi-Tashtaǵy oqiǵa
2019 jylǵy 7 tamyzda Qyrǵyzstannyń arnaiy jasaǵy Almazbek Atambaevtyń Qoi-Tashtaǵy rezidentsiiasyn kúshtep alýǵa tyrysty. Kelesi kúni IIM men UQMK birlesip, ekinshi arnaiy operatsiia ótkizip, eks-prezidentti ustap áketken bolatyn.
Oqiǵa kezinde Atambaevtyń jaqtastary kúshtik qurylymdarǵa tas laqtyryp, qoqys pen dóńgelekterdi órttegen. Qaqtyǵys eki kúnge sozylyp, 136 adam jaralanyp, bir arnaiy jasaq qyzmetkeri oqtan qaza tapty.
Eks-prezidentke birqatar qylmystyq is boiynsha aiyp taǵylǵan:
- 2019 jylǵy Qoi-Tashtaǵy jappai tártipsizdikke qatysý
- Jemqorlyq
- Qylmystyq jolmen kelgen aqshany zańdastyrý
- Túrkiia azamattaryna zańsyz pasport berý
2020 jylǵy qazandaǵy jappai tártipsizdikti uiymdastyrý isteri boiynsha da aiyp taǵylǵan. Alaida sońǵy eki is boiynsha Atambaev aqtalǵan.
Qoi-Tash oqiǵasyna qatysty materialdar jer telimderi men JEO-ǵa kómir jetkizý isterimen biriktirilgen.
Eske salaiyq, Atambaev Nazarbaev tusynda "Qazaqstan qyrǵyz sailaýyna aralasty", "qazaq biligi ury" dep syn aityp, Nazarbaevtyń ózin diktator dep ataǵan edi.
