Qyrǵyzstan Ulttyq qaýipsizdik komitetiniń (UQK) burynǵy tóraǵasy Kamchybek Tashievtiń uly Tai-Mýras Tashiev militsiiaǵa jaýap alýǵa shaqyrylǵany belgili boldy. Bul týraly derekkózder málimdedi, dep habarlaidy Dalanews.kz 24.kg saityna silteme jasap.
Alaida ázirge bul aqparat resmi túrde rastalǵan joq. Ishki ister ministrligi de atalǵan málimetti rastaǵan joq.
Buǵan deiin áleýmettik jelilerde taraǵan rezonansty jariialanymdar men túrli aqparattyq aǵymdar aiasynda Tai-Mýras Tashievtiń esimi múlikke qatysty máseleler men biznes operatsiialarǵa bailanysty atalǵan bolatyn. Ol ózine taǵylǵan aiyptardy kópshilik aldynda joqqa shyǵarǵan.
Eske sala keteiik, 14 naýryz kúni Qyrǵyzstanda jergilikti parlament depýtaty ári Kamchybek Tashievtiń týǵan inisi Shairbek Tashievtiń de jaýap alýǵa shaqyrylǵany habarlanǵan edi. Sol kúni ol depýtattyq ókilettigin toqtatqany belgili boldy.
