Qyrǵyzstanda Ulttyq qaýipsizdik memlekettik komıteti tóraǵasynyń burynǵy orynbasary ustaldy, dep habarlaıdy Dalanews.kz.
24.kg basylymynyń kúshtik qurylymdardaǵy derekkózderine súıensek, 12 sáýirde Qyrǵyzstan UQMK tóraǵasynyń burynǵy orynbasary Danıel Rysalıev qylmystyq is aıasynda jaýap alý úshin İİM-niń tergeý basqarmasyna jetkizilgen. Resmı organdar ázirge istiń naqty qaı bap boıynsha qozǵalǵanyn jáne onyń qandaı mártebede ótip jatqanyn jarıalaǵan joq.
Al Kaktus.media málimetinshe, Rysalıevpen birge Ystyqkól oblysyndaǵy 6-basqarmanyń burynǵy basshysy jáne UQMK ortalyq apparatynyń qazirgi qyzmetkeri de ustalǵan. Aldyn ala derekter boıynsha, olar kásipkerdiń shaǵymynan keıin «jemqorlyq» baby boıynsha kúdikke ilingen. Kásipker ózine zańsyz aqsha talap etilgenin málimdegen.
Rysalıev 2025 jyldyń jeltoqsanynan bastap UQMK tóraǵasynyń orynbasary qyzmetin atqaryp, kıberqaýipsizdik máselelerine jetekshilik etken. Buǵan deıin arnaıy qyzmet júıesinde jumys istep, óńirlik bólimshelerdi basqarǵan.
2026 jyldyń aqpan aıynyń basynda kadrlyq ózgerister aıasynda qyzmetinen bosatylǵan bolatyn.
