Qyrǵyzstan parlamentiniń depýtaty Marlen Mamatalıev elde memlekettik krematorııler salynatynyn aıtty. Alaıda olar tek qalalarda jumys isteıdi jáne bul tásildi memlekettik organdar arqyly ǵana qoldanýǵa bolady, dep habarlaıdy Dalanews.kz.
Depýtattyń aıtýynsha, bul adamdarǵa ǵana emes janýarlarǵa da arnalǵan.
"Qazir bul zańda belgili bir din ókilderin kremasıalaý múmkindigi qarastyrylǵan. Krematorııler túrli aýrýdan ólgen janýarlarǵa da arnalǵan. Qazir olardyń máıitteri qarapaıym qoqysqa laqtyrylyp jatyr. Kremasıalaý jumystaryn qatań túrde tıisti organdar júzege asyrady. Týystary rastaý qujattaryn kórsetýi kerek. Kim qalasa, sol jasaı salatyndaı ońaı nárse bolmaıdy", - dedi Mamatalıev.
