Qyrǵyzstanda betti jabatyn kiim kiiýge tyiym salyndy, dep habarlaidy Dalanews.kz.
Bul aqparat el prezidentiniń resmi saitynda jariialandy.
Zań qoǵamdyq oryndarda adamnyń jeke basyn anyqtaýǵa múmkindik bermeitin kiimdi kiiý úshin jaýapkershilik qarastyrady.
Osylaisha, Zańnyń 1-babynda Qyrǵyz Respýblikasy Ákimshilik quqyq buzýshylyq týraly kodeksine tómendegidei jaýapkershilikti kózdeitin ózgerister engizý qarastyrylǵan:
– azamattyń jeke basyn tanýǵa múmkindik bermeitin kiimdi memlekettik bilik organdary mekemelerinde jáne qoǵamdyq oryndarda kiiý úshin, eńbek nemese qyzmettik mindettermen bailanysty kiim men meditsinalyq kórsetkishterge bailanysty betti jabatyn kiimderden basqa;
– ar-ojdan jáne din bostandyǵyn júzege asyrý quqyǵyna kedergi keltirý nemese ony júzege asyrýǵa májbúrleý, psihologiialyq jáne fizikalyq áser etýdi, ómir men densaýlyqqa qaýip tóndirmeitin zorlyq-zombylyqty nemese mundai zorlyq-zombylyqpen qorqytý arqyly, sonyń ishinde basqa dinderdi ustanýshylardy, dinge beitarap adamdardy nemese ateisterdi óz dinine tartýǵa baǵyttalǵan áreketter úshin;
– qarttar men múgedekter úilerinde, túzetý mekemelerinde nemese tergeý izoliatorlarynda, sondai-aq Qyrǵyz Respýblikasynyń Qarýly Kúshteri quramalary, bólimderi men bólimshelerinde dini rásimder, jinalystar jáne basqa da dini is-sharalardy sheteldik dini uiymdardyń din qyzmetkerleri men ýaǵyzshylarynyń qatysýymen ótkizý úshin;
– dini uiymdardyń nemese olardyń ókilderiniń memlekettik bilik organdary, jergilikti ózin-ózi basqarý organdary jáne olardyń laýazymdy tulǵalarynyń qyzmetine aralasýy úshin;
– dini ádebietterdi, basqa da dini baspa, aýdio jáne beinematerialdardy, aqparat tasymaldaýshylarǵa qaramastan, qoǵamdyq oryndarda, memlekettik jáne mýnitsipaldyq uiymdarda, mektepke deiingi jáne jalpy bilim berý uiymdarynda, dini maqsattaǵy obektilerden basqa jerlerde, sondai-aq turǵyn úilerdi aralaý arqyly taratý úshin.
