قىرعىزستاندا بەتتٸ جاباتىن كيٸم كييۋگە تىيىم سالىندى, دەپ حابارلايدى Dalanews.kz.
بۇل اقپارات ەل پرەزيدەنتٸنٸڭ رەسمي سايتىندا جارييالاندى.
زاڭ قوعامدىق ورىنداردا ادامنىڭ جەكە باسىن انىقتاۋعا مٷمكٸندٸك بەرمەيتٸن كيٸمدٸ كييۋ ٷشٸن جاۋاپكەرشٸلٸك قاراستىرادى.
وسىلايشا, زاڭنىڭ 1-بابىندا قىرعىز رەسپۋبليكاسى ەكٸمشٸلٸك قۇقىق بۇزۋشىلىق تۋرالى كودەكسٸنە تٶمەندەگٸدەي جاۋاپكەرشٸلٸكتٸ كٶزدەيتٸن ٶزگەرٸستەر ەنگٸزۋ قاراستىرىلعان:
– ازاماتتىڭ جەكە باسىن تانۋعا مٷمكٸندٸك بەرمەيتٸن كيٸمدٸ مەملەكەتتٸك بيلٸك ورگاندارى مەكەمەلەرٸندە جەنە قوعامدىق ورىنداردا كييۋ ٷشٸن, ەڭبەك نەمەسە قىزمەتتٸك مٸندەتتەرمەن بايلانىستى كيٸم مەن مەديتسينالىق كٶرسەتكٸشتەرگە بايلانىستى بەتتٸ جاباتىن كيٸمدەردەن باسقا;
– ار-وجدان جەنە دٸن بوستاندىعىن جٷزەگە اسىرۋ قۇقىعىنا كەدەرگٸ كەلتٸرۋ نەمەسە ونى جٷزەگە اسىرۋعا مەجبٷرلەۋ, پسيحولوگييالىق جەنە فيزيكالىق ەسەر ەتۋدٸ, ٶمٸر مەن دەنساۋلىققا قاۋٸپ تٶندٸرمەيتٸن زورلىق-زومبىلىقتى نەمەسە مۇنداي زورلىق-زومبىلىقپەن قورقىتۋ ارقىلى, سونىڭ ٸشٸندە باسقا دٸندەردٸ ۇستانۋشىلاردى, دٸنگە بەيتاراپ ادامداردى نەمەسە اتەيستەردٸ ٶز دٸنٸنە تارتۋعا باعىتتالعان ەرەكەتتەر ٷشٸن;
– قارتتار مەن مٷگەدەكتەر ٷيلەرٸندە, تٷزەتۋ مەكەمەلەرٸندە نەمەسە تەرگەۋ يزولياتورلارىندا, سونداي-اق قىرعىز رەسپۋبليكاسىنىڭ قارۋلى كٷشتەرٸ قۇرامالارى, بٶلٸمدەرٸ مەن بٶلٸمشەلەرٸندە دٸني رەسٸمدەر, جينالىستار جەنە باسقا دا دٸني ٸس-شارالاردى شەتەلدٸك دٸني ۇيىمداردىڭ دٸن قىزمەتكەرلەرٸ مەن ۋاعىزشىلارىنىڭ قاتىسۋىمەن ٶتكٸزۋ ٷشٸن;
– دٸني ۇيىمداردىڭ نەمەسە ولاردىڭ ٶكٸلدەرٸنٸڭ مەملەكەتتٸك بيلٸك ورگاندارى, جەرگٸلٸكتٸ ٶزٸن-ٶزٸ باسقارۋ ورگاندارى جەنە ولاردىڭ لاۋازىمدى تۇلعالارىنىڭ قىزمەتٸنە ارالاسۋى ٷشٸن;
– دٸني ەدەبيەتتەردٸ, باسقا دا دٸني باسپا, اۋديو جەنە بەينەماتەريالداردى, اقپارات تاسىمالداۋشىلارعا قاراماستان, قوعامدىق ورىنداردا, مەملەكەتتٸك جەنە مۋنيتسيپالدىق ۇيىمداردا, مەكتەپكە دەيٸنگٸ جەنە جالپى بٸلٸم بەرۋ ۇيىمدارىندا, دٸني ماقساتتاعى وبەكتٸلەردەن باسقا جەرلەردە, سونداي-اق تۇرعىن ٷيلەردٸ ارالاۋ ارقىلى تاراتۋ ٷشٸن.
