Qyrǵyzstan prezidenti Sadyr Japarovtyń nemere qaryndasynyń kúieý jigiti esirtki saýdasymen ainalysty degen kúdikpen qamaýǵa alyndy, dep habarlaidy Dalanews.kz.
Bul týraly Sadyr Japarovtyń baspasóz hatshysy Ashat Alagózov óziniń Facebook-tegi paraqshasynda jazdy.
"Prezident Sadyr Japarovtyń inisiniń qyzynyń jigiti quqyq qorǵaý organdarynyń ókilderimen ustalǵanyn rastaimyz", - dedi Alagózov.
Memleket basshysynyń baspasóz hatshysy jas jigittiń boijetkenge erekshe usynys jasaý arqyly tanylǵanyn atap ótti.
"Lázzat Nurqojoevanyń jigiti oǵan tikushaqta úilený týraly usynys bildirgen soń tanyldy. Jas jigittiń negizgi maqsaty óz qyzmetin jasyrý úshin bilikten «krysha» izdedi deýge tolyq negiz bar", - dep qosty ol.
Eske salaiyq, Qyrǵyzstan prezidenti Sadyr Japarovtyń qaryndasy Lázzat Nurqojaevaǵa súiiktisi úilenýge sóz salý úshin Jastar Orýý-Sai shatqalyna TJM-niń tikushaǵymen ushyp barǵan.
Japarov bolashaq kúieý balasynyń bul qylyǵyn quptamaitynyn aitty. Sondai-aq Qyrǵystan Prezidenti TJM-ǵa jańadan satyp alynǵan tikushaqtar óziniń qunyn aqtaý úshin kommertsiialyq maqsatta paidalanýǵa ruqsat etilgenin atap ótti.
"Buryn men basqalardy synaityn edim, endi ózimniń aldymnan shyqty. Qaryndasym úshin halyqtan keshirim suraimyn. Áli jas, biraq qoǵamnyń synyn kórip otyr. Bul oqiǵadan sabaq alady dep oilaimyn", - dedi Japarov.
Derekerge súiensek, kúieý jigit birneshe kúnnen beri esirtki saýdasymen ainalysqan degen kúdikpen ýaqytsha ustaý izoliatorynda otyr.
