Qyrǵyzstan prezidenti Sadyr Japarov kórnekti aqyn, jazýshy, dramatýrg, qoǵam qairatkeri Muhtar Shahanov dúnieden ótýine bailanysty kóńil aitty, dep habarlaidy Dalanews.kz.
Qyrǵyz prezidenti óz hatynda bul qaiǵy tek qazaq halqyna emes, qyrǵyz jurtyna da ortaq ekenin atap ótti. Onyń aitýynsha, Muhtar Shahanov eki elge birdei qadirli tulǵa, rýhani ustaz deńgeiine kóterilgen azamat edi.
Sadyr Japarov aqynnyń qazaq pen qyrǵyz halyqtarynyń arasyndaǵy dostyqty nyǵaitýǵa zor úles qosqanyn erekshe atap ótti. Sondai-aq, onyń Shyńǵys Aitmatovpen aradaǵy baýyrlastyq bailanysy halyqtar arasyndaǵy rýhani jaqyndastyqtyń simvolyna ainalǵanyn jetkizdi.
Qyrǵyz kóshbasshysy Sadyr Japarov Muhtar Shahanovtyń ómir jolyna toqtalyp, onyń árdaiym shyndyqty batyl aityp, el múddesin qorǵaýda tabandylyq tanytqanyn jazdy. Ol keńestik kezeńde de, táýelsizdik jyldarynda da óz ustanymynan ainymai, qoǵamdaǵy mańyzdy máselelerge belsendi aralasqanyn jetkizdi.
Sondai-aq, Sadyr Japarov aqynnyń qazasyn tutas túrki álemi úshin orny tolmas qasiret dep baǵalady.
Hat sońynda Qyrǵyzstan prezidenti Qazaqstan Prezidenti Qasym-Jomart Toqaevqa jáne barsha qazaq halqyna, aqynnyń týǵan-týystaryna qaiǵyra kóńil aitqan.
Aita keteiik, otty aqyn Muhtar Shahanov 19 sáýirde 84 jasyna qaraǵan shaǵynda ómirden ótti.
