قىرعىزستان پرەزيدەنتٸ سادىر جاپاروۆ كٶرنەكتٸ اقىن, جازۋشى, دراماتۋرگ, قوعام قايراتكەرٸ مۇحتار شاحانوۆ دٷنيەدەن ٶتۋٸنە بايلانىستى كٶڭٸل ايتتى, دەپ حابارلايدى Dalanews.kz.
قىرعىز پرەزيدەنتٸ ٶز حاتىندا بۇل قايعى تەك قازاق حالقىنا ەمەس, قىرعىز جۇرتىنا دا ورتاق ەكەنٸن اتاپ ٶتتٸ. ونىڭ ايتۋىنشا, مۇحتار شاحانوۆ ەكٸ ەلگە بٸردەي قادٸرلٸ تۇلعا, رۋحاني ۇستاز دەڭگەيٸنە كٶتەرٸلگەن ازامات ەدٸ.
سادىر جاپاروۆ اقىننىڭ قازاق پەن قىرعىز حالىقتارىنىڭ اراسىنداعى دوستىقتى نىعايتۋعا زور ٷلەس قوسقانىن ەرەكشە اتاپ ٶتتٸ. سونداي-اق, ونىڭ شىڭعىس ايتماتوۆپەن اراداعى باۋىرلاستىق بايلانىسى حالىقتار اراسىنداعى رۋحاني جاقىنداستىقتىڭ سيمۆولىنا اينالعانىن جەتكٸزدٸ.
قىرعىز كٶشباسشىسى سادىر جاپاروۆ مۇحتار شاحانوۆتىڭ ٶمٸر جولىنا توقتالىپ, ونىڭ ەردايىم شىندىقتى باتىل ايتىپ, ەل مٷددەسٸن قورعاۋدا تاباندىلىق تانىتقانىن جازدى. ول كەڭەستٸك كەزەڭدە دە, تەۋەلسٸزدٸك جىلدارىندا دا ٶز ۇستانىمىنان اينىماي, قوعامداعى ماڭىزدى مەسەلەلەرگە بەلسەندٸ ارالاسقانىن جەتكٸزدٸ.
سونداي-اق, سادىر جاپاروۆ اقىننىڭ قازاسىن تۇتاس تٷركٸ ەلەمٸ ٷشٸن ورنى تولماس قاسٸرەت دەپ باعالادى.
حات سوڭىندا قىرعىزستان پرەزيدەنتٸ قازاقستان پرەزيدەنتٸ قاسىم-جومارت توقاەۆقا جەنە بارشا قازاق حالقىنا, اقىننىڭ تۋعان-تۋىستارىنا قايعىرا كٶڭٸل ايتقان.
ايتا كەتەيٸك, وتتى اقىن مۇحتار شاحانوۆ 19 سەۋٸردە 84 جاسىنا قاراعان شاعىندا ٶمٸردەن ٶتتٸ.
