Qytaı halyqtyq respýblıkasynyń syrtqy ister mınıstrimen Qyrǵyzstan prezıdenti Almazbek Atambaev kezdesti. Ol Van I myrzaǵa "Danaker" ordenin tabystady.
Qyrǵyzstan basshysy qyrǵyz-qytaı yntymaqtastyǵynyń nyǵaıýyna mysal retinde "Datqa-Kemın" elektr júıesi qurylysynyń jobasyn atady. Bul Qyrǵyz elin energetıkalyq táýelsizdikke qol jetkizdi deıdi.
- Sońǵy úsh jylda yntymaqtastyq tereńdeı tústi. Qytaımen qarym-qatynas jańa deńgeıge kóterildi. Osy jyly elektr energıasy bolady ma, joq pa, kórshiler sóndirip tastaıdy ma dep alańdaǵan joqpyz. Qytaı energetıkalyq táýelsizdikke qol jetkizýimizge úles qosty. Sondyqtan, men QHR tóraǵasy Sı Szınpın myrzaǵa alǵys bildiremin. Qytaı Qyrǵyzstannyń naǵyz dosy, - dep málimdedi marapattaý saltanaty kezinde prezıdent Atambaev.
Mınıstr Van I myrza Qazaqstan men Ózbekstanǵa attandy. Ol osy aptada Táshkentte ótetin Shanhaı yntymaqtastyq uıymy syrtqy ister mınıstrleriniń samıtine qatysady.
