جۇڭگو حالىقتىق رەسپۋبليكاسىنىڭ سىرتقى ىستەر مينيسترىمەن قىرعىزستان پرەزيدەنتى المازبەك اتامبايەۆ كەزدەستى. ول ۆان ي مىرزاعا "داناكەر" وردەنىن تابىستادى.
قىرعىزستان باسشىسى قىرعىز-قىتاي ىنتىماقتاستىعىنىڭ نىعايۋىنا مىسال رەتىندە "داتقا-كەمين" ەلەكتر جۇيەسى قۇرىلىسىنىڭ جوباسىن اتادى. بۇل قىرعىز ەلىن ەنەرگەتيكالىق تاۋەلسىزدىككە قول جەتكىزدى دەيدى.
- سوڭعى ءۇش جىلدا ىنتىماقتاستىق تەرەڭدەي ءتۇستى. قىتايمەن قارىم-قاتىناس جاڭا دەڭگەيگە كوتەرىلدى. وسى جىلى ەلەكتر ەنەرگياسى بولادى ما، جوق پا، كورشىلەر ءسوندىرىپ تاستايدى ما دەپ الاڭداعان جوقپىز. جۇڭگو ەنەرگەتيكالىق تاۋەلسىزدىككە قول جەتكىزۋىمىزگە ۇلەس قوستى. سوندىقتان، مەن قحر ءتوراعاسى سي سزينپين مىرزاعا العىس بىلدىرەمىن. جۇڭگو قىرعىزستاننىڭ ناعىز دوسى، - دەپ مالىمدەدى ماراپاتتاۋ سالتاناتى كەزىندە پرەزيدەنت اتامبايەۆ.
مينيستر ۆان ي مىرزا قازاقستان مەن وزبەكستانعا اتتاندى. ول وسى اپتادا تاشكەنتتە وتەتىن شانحاي ىنتىماقتاستىق ۇيىمى سىرتقى ىستەر مينيسترلەرىنىڭ سامميتىنە قاتىسادى.
