70-tei adam kelip saiasatkerge «Tynyshtyqty nege buzyp júrsizder? OSK mańynda nege mitingige shyǵyp júrsińizder?» dep qoqan-loqy jasaǵan. Tekebaev olarǵa birdeńe degenshe ony uryp jibergen. «Syrtqa shyq, kólikke otyryǵyzyp bir jaqqa alyp ketip, sóilesemiz» depti. Álgi topty basshysy «sailaý bitti, sender jeńildińder, biz jeńdik, moiyndańdar, jastarǵa jol berińder» dedi.
Keiin jurt jinala bastaǵan soń shabýyldaǵandar qashyp ketken.
2-3 adam ǵana saiasatkerge qol kótergen. Al qalǵandary olarǵa erip kelipti. Oqiǵa ornyna taiaý mańda politsiia júrse de, kelip saiasatkerge ara túspegen. Tekebaev tártip saqshylary tek 10-15 minýttan keiin kelgenin aitty.
Saiasatker shabýyldy saiasi isimen bailanystyryp, oqiǵany «saiasi terror» dep atady. Facebook qoldanýshysy Erlan Bekchoroevich oqiǵadan úzindi jariialady.
Tekebaev ishki ister bólimshesine aryz jazatynyn, oqiǵa ornynda bolǵan militsiialardy, kýágerlerdi, zardap shekkenderden jaýap alýdy talap etetinin aitty. Ómirbek Tekebaev «Ata Meken» partiiasynyń lideri, parlamentke alty ret depýtat bolyp sailanǵan. 2005-2006 jyldary spiker bolǵan. 28 qarashada ótken sailaýda partiia tizimin bastap turǵan edi. Aldyn ala nátije boiynsha «Ata Meken» partiiasy 4 paiyz daýys jinap, parlamentke ótpei qaldy.
