70-تەي ادام كەلٸپ ساياساتكەرگە «تىنىشتىقتى نەگە بۇزىپ جٷرسٸزدەر? وسك ماڭىندا نەگە ميتينگٸگە شىعىپ جٷرسٸڭٸزدەر?» دەپ قوقان-لوقى جاساعان. تەكەباەۆ ولارعا بٸردەڭە دەگەنشە ونى ۇرىپ جٸبەرگەن. «سىرتقا شىق, كٶلٸككە وتىرىعىزىپ بٸر جاققا الىپ كەتٸپ, سٶيلەسەمٸز» دەپتٸ. ەلگٸ توپتى باسشىسى «سايلاۋ بٸتتٸ, سەندەر جەڭٸلدٸڭدەر, بٸز جەڭدٸك, مويىنداڭدار, جاستارعا جول بەرٸڭدەر» دەدٸ.
كەيٸن جۇرت جينالا باستاعان سوڭ شابۋىلداعاندار قاشىپ كەتكەن.
2-3 ادام عانا ساياساتكەرگە قول كٶتەرگەن. ال قالعاندارى ولارعا ەرٸپ كەلٸپتٸ. وقيعا ورنىنا تاياۋ ماڭدا پوليتسييا جٷرسە دە, كەلٸپ ساياساتكەرگە ارا تٷسپەگەن. تەكەباەۆ تەرتٸپ ساقشىلارى تەك 10-15 مينۋتتان كەيٸن كەلگەنٸن ايتتى.
ساياساتكەر شابۋىلدى ساياسي ٸسٸمەن بايلانىستىرىپ, وقيعانى «ساياسي تەررور» دەپ اتادى. Facebook قولدانۋشىسى Erlan Bekchoroevich وقيعادان ٷزٸندٸ جارييالادى.
تەكەباەۆ ٸشكٸ ٸستەر بٶلٸمشەسٸنە ارىز جازاتىنىن, وقيعا ورنىندا بولعان ميليتسييالاردى, كۋەگەرلەردٸ, زارداپ شەككەندەردەن جاۋاپ الۋدى تالاپ ەتەتٸنٸن ايتتى. ٶمٸربەك تەكەباەۆ «اتا مەكەن» پارتيياسىنىڭ ليدەرٸ, پارلامەنتكە التى رەت دەپۋتات بولىپ سايلانعان. 2005-2006 جىلدارى سپيكەر بولعان. 28 قاراشادا ٶتكەن سايلاۋدا پارتييا تٸزٸمٸن باستاپ تۇرعان ەدٸ. الدىن الا نەتيجە بويىنشا «اتا مەكەن» پارتيياسى 4 پايىز داۋىس جيناپ, پارلامەنتكە ٶتپەي قالدى.
