"Qylmystyq-protsessýaldyq zań talaptaryna sáikes atalǵan azamatqa memleketaralyq izdeý jariialandy" delingen quqyq qorǵaý organdarynyń habarlamasynda.
Shilde aiynyń ortasynda qolynda bala ustaǵan sábidi uryp jatqan video áleýmettik jelide taraǵan.
Qyrǵyzstan SIM málimetinshe, oqiǵa 18 maýsymda Astanadaǵy MEGA Silk Way ortalyǵynda bolǵan. 13 shildede soqqyǵa jyǵylǵan qyrǵyz azamaty Astanadaǵy Qyrǵyzstan elshiligine shaqyrylǵan.
Qazaqstannyń ishki ister ministriniń orynbasary Qairat Sýntaev qyrǵyz azamatyn urǵan jigittiń qazaqstandyq boksshy Beibit Shúmenov ekenin málimdedi. Sportshyǵa "buzaqylyq" babymen is qozǵaǵan.
Jergilikti BAQ-qa bergen suqbatynda Shúmenov "urmaǵanyn, ózin qorǵaǵanyn" aitqan.
Alaida videoda qolynda bala ustaǵan jigitke qarsy tap berip, uryp jatqany kórinedi. IIM spikeriniń sózinshe, bala zardap shekpegen, oqiǵa kezinde sportshy saý bolǵan. Biraq jábirlenýshi ony qylmystyq jaýapkershilikke tartýdy talap etip jatyr.
Beibit Shúmenov – qazaqstandyq kásipqoi boksshy. Ol WBA boiynsha aýyr salmaqtan álem chempiony bolǵan.
