Qyrǵyzstannyń ulttyq qaýipsizdik memlekettik komiteti 30 tamyzda Bishkektegi Qytai elshiliginde bolǵan teraktige qatysy bar degen kúdiktilerdiń aty-jónderin anyqtaǵan.
Terrorist-jankeshti «Mitsýbisi Delika» avtokóligimen Qytai elshiliginiń batys betindegi syrtqy qaqpasyn soǵyp, diplomatiialyq ókildiktiń aýmaǵyna kirip, kólikte ornatylǵan jarylǵysh zatty jaryp jibergen. Nátijesinde elshilik ǵimaraty aitarlyqtai zardap shekti. Elshilikte baǵban bolyp jumys isteitin Qyrǵyzstannyń eki azamaty jarylystan kóz jumdy.
Tergeý isi teraktige tapsyrys bergen Siriiadaǵy «Jabhat án-Nýsra» terroristik uiymyna qosylǵan uiǵyr terroristik toby dep atady. Onyń shabarmandary «Jamaat Taýhid va jihad» halyqaralyq terroristik uiymynyń jetekshisi Abý Saloha (Sirojiddin Muhtarov, 1971 jyly týǵan, Kashkar-Kyshtak aýyly, Kara-Sý aýdanynyń týmasy, memleketaralyq izdeý jariialanǵan) arqyly is-qimyldar jasaidy.
Qyrǵyzstannyń arnaiy qyzmeti teraktini uiymdastyrǵan degen kúdikpen bas adamnyń ustalǵanyn, tórteýine izdeý jariialanǵanyn aitady. Terrorist-jankeshtige qatysty, ol 33 jasta, ulty uiǵyr, Tájikstannyń tólqujaty bolǵan. Tólqujat 1983 jyly týǵan Zoir Halilovtyń atyna berilgen. Terroristiń ózi «Shyǵys Túrkistandaǵy islam qozǵalysy» uiymynyń múshesi bolǵan dep naqtylaidy arnaiy qyzmet.
Arnaiy qyzmettiń málimeti boiynsha, teraktiniń basty uiymdastyrýshysy Izzotillo Sattybaev (laqap aty Ali), 1991 jyly týǵan. Ol – Osh qalasynyń týmasy, ulty ózbek, Siriiada terroristerdiń qolynda arnaiy jattyǵýdan ótip kelgen. Sonymen birge arnaiy qyzmet terroristerge kómektesken birneshe adamdy ustaǵaǵanyn málimdedi.
[caption id="attachment_19692" align="aligncenter" width="987"]
