تەرروريست-جانكەشتى «ميسۋبيسي دەليكا» اۆتوكولىگىمەن جۇڭگو ەلشىلىگىنىڭ باتىس بەتىندەگى سىرتقى قاقپاسىن سوعىپ، ديپلوماتيالىق وكىلدىكتىڭ اۋماعىنا كىرىپ، كولىكتە ورناتىلعان جارىلعىش زاتتى جارىپ جىبەرگەن. ناتيجەسىندە ەلشىلىك عيماراتى ايتارلىقتاي زارداپ شەكتى. ەلشىلىكتە باعبان بولىپ جۇمىس ىستەيتىن قىرعىزستاننىڭ ەكى ازاماتى جارىلىستان كوز جۇمدى.

تەرگەۋ ءىسى تەراكتىگە تاپسىرىس بەرگەن سيرياداعى «جابحات ءان-نۋسرا» تەرروريستىك ۇيىمىنا قوسىلعان ۇيعىر تەرروريستىك توبى دەپ اتادى. ونىڭ شابارماندارى «جاماات تاۋحيد ۆا جيحاد» حالىقارالىق تەرروريستىك ۇيىمىنىڭ جەتەكشىسى ابۋ سالوحا (سيروجيددين مۇحتاروۆ، 1971 جىلى تۋعان، كاشكار-كىشتاك اۋىلى، كارا-سۋ اۋدانىنىڭ تۋماسى، مەملەكەتارالىق ىزدەۋ جاريالانعان) ارقىلى ءىس-قيمىلدار جاسايدى.

قىرعىزستاننىڭ ارنايى قىزمەتى تەراكتىنى ۇيىمداستىرعان دەگەن كۇدىكپەن باس ادامنىڭ ۇستالعانىن، تورتەۋىنە ىزدەۋ جاريالانعانىن ايتادى. تەرروريست-جانكەشتىگە قاتىستى، ول 33 جاستا، ۇلتى ۇيعىر، تاجىكستاننىڭ ءتولقۇجاتى بولعان. ءتولقۇجات 1983 جىلى تۋعان زوير حاليلوۆتىڭ اتىنا بەرىلگەن. تەرروريستىڭ ءوزى «شىعىس تۇركىستانداعى يسلام قوزعالىسى» ۇيىمىنىڭ مۇشەسى بولعان دەپ ناقتىلايدى ارنايى قىزمەت.

ارنايى قىزمەتتىڭ مالىمەتى بويىنشا، تەراكتىنىڭ باستى ۇيىمداستىرۋشىسى يززوتيللو ساتتىبايەۆ (لاقاپ اتى الي)، 1991 جىلى تۋعان. ول – وش قالاسىنىڭ تۋماسى، ۇلتى وزبەك، سيريادا تەرروريستەردىڭ قولىندا ارنايى جاتتىعۋدان ءوتىپ كەلگەن. سونىمەن بىرگە ارنايى قىزمەت تەرروريستەرگە كومەكتەسكەن بىرنەشە ادامدى ۇستاعاعانىن مالىمدەدى.

[caption id="attachment_19692" align="aligncenter" width="987"] قىرعىزدار[/caption]