Shymkentte eks-sheneýnik pen sybailasy sottaldy,- dep habarlaidy Dalanews.kz.
Sot málimetinshe, D. salalyq ministrlikte laýazymdy tulǵa bola tura, 2016-2023 jyldar aralyǵynda jábirlenýshi D.-ny aldaý arqyly bilim salasyndaǵy biznesine qamqorlyq jasaýǵa ýáde berip, odan birneshe ret aqsha alǵan. Alaiaqtyq jolmen alǵan aqsha 124 million teńgeden asyp ketken.
"Sottalýshy D. Shymkent qalasynyń aýmaǵynda jeke menshik jalpy bilim beretin mektep soǵyp, ony paidalanýǵa tapsyrǵan. Osylaisha sottalýshy D. qylmystyq jolmen alǵan aqshany zańdastyrǵan", - dep jazylǵan sot málimetinde.
Odan bólek taǵy bir aiyptalýshy sottalýshy D.-nyń ótinishimen jábirlenýshi D.-ǵa qatysty qozǵalǵan qylmystyq isti toqtatý týraly sheshim qabyldatyp beremin dep jábirlenýshiden 10 million teńge aqsha alǵan.
Sottalýshylardyń kinási tolyq dáleldengen.
Sot burynǵy sheneýnikti kináli dep tanyp, túpkilikti 7 jyl 6 ai merzimge bas bostandyǵynan aiyrý jazasyn taǵaiyndady.
Onyń sybailasy da kináli dep tanylyp, 4 jylǵa bas bostandyǵyn shekteý jazasy taǵaiyndaldy. Degenmen "Qazaqstan Respýblikasynyń Konstitýtsiiasynyń otyz jyldyǵyna bailanysty raqymshylyq jasaý týraly" zańynyń talaptaryna sáikes T.-ǵa taǵaiyndalǵan jaza merziminiń 1/3 bóligi qysqartylyp, túpkilikti 2 jyl 8 ai merzimge bas bostandyǵyn shekteý jazasyn taǵaiyndaldy.
Jeke menshik jalpy bilim berý mektebi jer telimimen birge memleket paidasyna tárkilendi. Jábirlenýshiniń talap aryzy ishinara qanaǵattandyryldy, onyń paidasyna burynǵy sheneýnikten 67,4 million teńge óndirildi.
