IIM burynǵy orynbasary, qazirgi senat depýtaty Marat Qojaev Qazaqstanda qylmystyń órship turǵany jaily pikirlerdi joqqa shyǵardy, dep habarlaidy Dalanews.kz.
Ońtústik Qazaqstandaǵy qylmystyń ósýi týraly suraqqa jaýap bergen Qojaev resmi derekterge súienýdi usyndy. Aitýynsha, elde qylmystyń órshýi baiqalmaidy.
“Elimizde qylmystyń órshýi joq. Sizder kóshede erkin júrip, qoǵamdyq oryndarǵa baryp júrsizder, sonda qandai da bir tártipsizdikterdi baiqap júrsizder me?” – dedi senator.
Qojaev sonymen qatar jýrnalisterdi áleýmettik jelide artyq shý kóteredi dep synǵa aldy.
“Jýrnalisterdiń logikasy qyzyq. Shý kótergende bir paidasy bar shyǵar, árine – quqyq qorǵaý organdary dáleldemelerdi muqiiat qarap shyǵady. Biraq taǵy da qaitalap aitaiyn, sotta áleýmettik jelilerdegi shý emes, tek zańdy dálelder eskeriledi”, – dedi ol.
Eske salaiyq, buǵan deiin Talǵarda jappai tóbeles bolyp, saldarynan 16 jastaǵy jasóspirim kóz jumdy. Janjal jigittiń otbasy jalǵa alatyn dúkennen bastalǵan. Týystarynyń aitýynsha, saýda núktesine kelgen satyp alýshy syra alyp, aqshasyn tóleýden bas tartqan. Osy jaǵdaidan keiin tóbeles bastalǵan.
Kámeletke tolmaǵan balany óltirý faktisi boiynsha Almaty oblysynyń politsiia departamenti qylmystyq is qozǵady.
Qazirgi tańda kináli dep tanylǵan 7 adam ustalyp, ýaqytsha ustaý izoliatoryna qamaýǵa alynǵan.
15 qazanda Ishki ister vitse-ministri taǵy úsh kúdiktini ustaǵanyn málim etti.
Al 18 qazanda taǵy bir kúdiktini qolǵa túsirdi.
Sonymen qatar, Almaty oblystyq politsiia departamenti bastyǵynyń mindetin atqarýshy Shalqarov tóbelesten keiin qansha qarý tárkilengenin aitty.
Odan keiin Sherzattyń úiine kúzet qoiyldy.
Kóp uzamai marqum Sherzattyń úii órtendi.
