Ánshi ári prodiýser Qydyráli Bolmanov endi jazýshy atanbaq. Ol 2-3 jyldan beri jastarǵa arnap kitap jazyp jatyr. Bul týraly prodiýser jelidegi paraqshasynda jazdy, dep habarlaidy Stan.kz.
– Meniń de kitap jazyp jatqanyma 2-3 jyl boldy. Ol kitaptyń erteń men siiaqty aýyl balalaryna ne bere alatynyn qatty oilanyp júr edim. Búgingi keshte júz paiyz durys ekenin tolyq uqqandaimyn. Búgin halyqaralyq bizneste júrgen dosym Serikbai Bisekeevtiń kitabyn talqylaý, ótkizý tártibi óte jaqsy oilar saldy. Bilgenińmen bólisý, bilmeitinińdi bilý. Bilim degen sheksiz dúnieni qolyńmen, júregińmen, sanańmen jinaý ekenin taǵy bir túsingendeimin! (Óz kitabymnyń tusaý kesýin elestetip, máz bolǵanymdy da jasyrmaimyn). Alla qalasa jaqsy kinokompaniia kitaptaǵy bolǵan oqiǵa jelisimen kórkem film túsirsek degen usynys jasap otyr. Alla qalasa! Jaqsy jańalyqtar kóp bolmaq buiyrtsa! – deidi Qydyráli Bolmanov.
