Qazaqstan fýtbol federatsiiasynyń (QFF) burynǵy prezidenti Ádilet Barmenqulovqa qatysty tergeý júrip jatyr. Alaida ol ázirge kúdikti dep tanylǵan joq. Bul týraly Qarjy monitoringi agenttigi (QMA) tóraǵasynyń orynbasary Jeńis Elemesov málimdedi, dep habarlaidy Dalanews.kz.
“Qazaqstan fýtbol federatsiiasyna qatysty urlyq faktisi boiynsha qylmystyq is bar. Alaida qazirgi tańda Barmenqulov kúdikti retinde tanylǵan joq. Oǵan qandai da bir aiyptaý boiynsha quqyqtyq baǵa áli berilmedi”, – dedi Elemesov.
Aita keteiik, 4 naýryzda QMA baspasóz qyzmeti QFF-nyń burynǵy basshylyǵyna qatysty sotqa deiingi tergeý bastalǵanyn habarlaǵan bolatyn.
Buǵan deiin KazTAG QFF prezidenti Barmenqulovqa qatysty daýdyń halyqaralyq deńgeige shyǵýy múmkin ekenin jazǵan. 13 shildede onyń ÝEFA tarapynan tergelip jatqany týraly aqparat tarady.
8 qarashada Barmenqulovtyń QFF basshylyǵynan ketetini týraly habarlama jariialandy. Keiinirek onyń komandasymen birge “Qazaqmys” korporatsiiasynan shyqqan ózge de sheneýnikter qyzmetten ketkeni belgili boldy. Sol kúni keshke Qazaqstan fýtbol federatsiiasy resmi túrde Barmenqulovtyń otstavkaǵa ketkenin rastady.
13 qarashada Abai oblysynyń QFF-daǵy músheligi ýaqytsha toqtatyldy.
