Eks-prezident Nursultan Nazarbaevtyń ekinshi Dinara Qulybaeva QBTÝ ǵimaratyn memleketke qaitarýǵa daiyn, - dep habarlaidy Dalanews.kz.
Orda.kz málimetinshe, byltyr kúzde Almatyda Qazaqstan-Britan tehnikalyq ýniversitetiniń isine qatysty sot bastalǵan bolatyn. Isti Almatynyń prokýratýrasy qozǵaǵan bolatyn. Dinara Qulybaeva basqaratyn qor eshqandai zańsyz áreket bolmaǵanyn aitady. Qańtarda sot mediatsiiany júrgizý úshin protsesti toqtatqan bolatyn.
Ýniversitet «Nursultan Nazarbaev bilim berý qoryna» tiesili. Al qorǵa Dinara Qulybaeva basshylyq etedi. 2000 jyly Nursultan Nazarbaevtyń bastamasymen paida bolǵan Qazaqstan-Britan tehnikalyq ýniversiteti 2003 jyly «Qazmunaigazdyń» aktivteriniń biri bolǵan edi. Ulttyq kompaniia 15 jyl boiy ýniversitetke ielik etken.
Al 2018 jyly 11,37 millard teńgege «Nursultan Nazarbaev bilim berý qoryna» satylyp ketken. Prokýratýranyń nusqasy boiynsha, qor 2018 jyly «Qazmunaigazdan» ýniversitetti zańsyz satyp alǵan.
Prokýratýra eń aldymen ýniversitet ulttyq kompaniiadan Qulybaevanyń qolyna arzan baǵamen ótip ketken dep sanaidy. Baǵany Baker Tilli Kazakhstan Advisory investitsiialyq brokerlik kompaniiasy qoiǵan.
Almaty prokýratýrasy kelispeitin ekinshi nárse – alty jyl buryn jasalǵan mámilege qatysty. Mámila barysynda protseste «Nursultan Nazarbaev bilim berý qory» jeńiske jetken. Prokýrorlar mámile formaldy túrde ótkizile salǵanyn, protseske qormen birge qatysqan qalǵan eki kompaniia «Iýg» basqarý kompaniiasy» men AGDS Group – birkúndik kompaniialar bolǵan.
Degenmen Qulybaeva basshylyq etetin qordaǵylar Almatydaǵy ýniversitettiń ǵimaratyn memleketke qaitarýǵa daiyn ekenin málimdegen.
«Memlekettiń tarihi sheshimderi qabyldanǵan, atap aitqanda Táýelsizdik Deklaratsiiasyna qol qoiylǵan ǵimarattyń mádeni qundylyǵyn eskere otyryp, úlesker ǵimaratty óz erkimen memleket menshigine óteýsiz berý múmkindigin qarastyrýda. Bul rette ýniversitetke bilim berý litsenziiasyn jáne oqý protsesin júrgizý úshin senimgerlik basqarý sharttarymen osy ǵimaratta ýaqytsha turý qajet. Osyǵan orai, qor memlekettik ǵimarattardy senimgerlik basqarýǵa berý kezinde JOO-larǵa qoiylatyn biliktilik talaptaryn saqtaý maqsatynda aktsiialardyń 5 paiyzyn memleket menshigine óteýsiz berýge daiyn», - delingen qor habarlamasynda.
Aita keteiik, buǵan deiin Dinara Qulybaevanyń frantsýz Alpisinde qymbat rezidentsiiasy týraly jazǵan bolatynbyz.
"Vyhod k moriý" arnasynyń derekterine súiensek, Dinara Qulybaevanyń frantsýz Alpisinde quny 15 milliard teńge turatyn úii bar bolyp shyqqan.
"Mejev - Frantsiianyń ońtústik-shyǵysyndaǵy, Alpiniń etegindegi shaǵyn qala, onda nebári 3 myń adam turady. Bul eldiń eń tanymal qysqy kýrorty sanalady. Bul jer Nursultan Nazarbaev bilim berý qory direktorynyń birinshi orynbasary Svetlana Myrzabekovanyń aktivteri týraly aqparattardan belgili. Onyń bul jerde quny 1,67 million eýro turatyn, iaǵni Eskape Residence kesheninde úsh bólmeli páteri bar. Buǵan jaqyn jerde Nursultan Nazarbaevtyń bilim qorynyń direktory Dinara Qulybaeva men onyń kúieýi Timýr ielik etetin Belriv qamaly ornalasqan", - dep jazylǵan derekte.
"Vyhod k moriý" málimetinshe, Belriv saraiynyń turǵyndary qysqy sport túrlerin jaqsy kóredi. Burynǵy prezident Nazarbaevtyń ortanshy qyzy Dinara Qulybaevanyń Alpidegi rezidentsiiasy da sol Mejev qalasynda ornalasqan.
