Buǵan deiin “Qazhrom” kompaniiasynyń burynǵy jumysshylary aýyr jáne ziiandy eńbek jaǵdailary úshin tiisti tólemderdiń jasalmaǵanyn, sondai-aq kásibi zeinetaqy jarnalary aýdarylmaǵanyn alǵa tartqan bolatyn. Osyǵan orai, ERG quramyndaǵy “Qazhrom” transulttyq kompaniiasy atalǵan máselege qatysty túsinikteme berdi, dep habarlaidy Dalanews.kz.
Kompaniianyń málimetinshe, bul talaptar Qaraǵandy qalasy Qazybek bi aýdanynyń №2 aýdandyq sotynda qaralǵan. 2024 jyldyń 25 qyrkúieginde sot shaǵymdanýshylardyń aryzyn qanaǵattandyrýdan bas tartqan.
“Shaǵymdanýshylardyń mamandyqtary – “BelAZ júrgizýshisi” jáne “Taý-ken massasyn tasymaldaý isine jumyldyrylǵan avtokólik júrgizýshileri” kásipteri Qazaqstan Respýblikasy Úkimetiniń 2013 jylǵy 31 jeltoqsandaǵy “Óndiristerdiń, jumystardyń, paidasyna mindetti kásiptik zeinetaqy jarnalaryn tóleý jónindegi agentter menshikti qarajaty esebinen mindetti kásiptik zeinetaqy jarnalaryn júzege asyratyn, eńbek jaǵdailary ziiandy jumystarmen ainalysatyn jumyskerler kásipteriniń Tizbesinde” bekitilmegen”, — delingen habarlamada.
Aitýlarynsha, jumysshylarǵa Qazaqstan Respýblikasy Densaýlyq saqtaý jáne áleýmettik damý ministriniń 2015 jylǵy 28 jeltoqsandaǵy №1053 buiryǵyna sáikes, tariftik stavkaǵa 20% joǵarylatý koeffitsientin eskere otyryp, eńbekaqy tólengen.
Qazirgi ýaqytta bul is apelliatsiialyq satyda qaralýda.
“Qazhrom” TUK” AQ jumysshylardyń eńbekaqysy men kásibi zeinetaqy jarnalaryn tóleý máseleleri zańnamaǵa sai júzege asyrylǵanyn atap ótti. Kompaniia bul kásipterdi ziiandy jumystar tizimine engizýdi surap, QR Densaýlyq saqtaý jáne áleýmettik damý ministrligine ótinish joldaǵan. Alaida quzyrly komissiia bul ótinishti 2015 jyldyń qazan aiynda qanaǵattandyrmaǵan.
Sonymen qatar jumysshylardyń aryzdary negizinde Qaraǵandy oblysynyń eńbek inspektsiiasy tekserý júrgizgen. Bul tekserý barysynda kompaniia tarapynan zań buzýshylyq anyqtalmaǵan.
“Qazhrom” kompaniiasy shaǵymdanýshylardyń máselesi sotta qaralyp jatqandyqtan, protsess aiasynda shyqqan sot aktilerin talqylaýǵa quqyǵy joq ekenin málimdedi.
“Qazirgi tańda sot sheshimi áli kúshine engen joq. Sebebi, aryzdanýshylardyń apelliatsiialyq shaǵymyn Qaraǵandy oblystyq soty qarastyryp jatyr. Sáikesinshe, túpki sot sheshimi de osy apelliatsiialyq instantsiiadan shyǵýy tiis”, — dedi kompaniia.
Eske salaiyq, buǵan deiin Qaraǵandyda “Qazhrom” kompaniiasynyń burynǵy jumysshylary eks-basshylaryn sotqa bergeni týraly jazǵan edik.
KazTAG málimetinshe, shaǵymdanýshylar Qaraǵandy oblysyndaǵy marganets kenin óndirý júrgizilgen karerde BelAZ júk kólikteriniń júrgizýshisi bolyp jumys istegen. Olar karerden taý jynystaryn tasymaldaýmen ainalysqan. Aitýlarynsha, jumys berýshi ziiandy eńbek jaǵdailary úshin tiisti tólemder júrgizbegen. Sondai-aq olar jumys berýshi kásiptik mindetti zeinetaqy jarnalaryn aýdarýy tiis bolǵanyn alǵa tartady. Sebebi olardyń kásibi osy jarnalar qarastyrylǵan tizimge kiretin kórinedi. Shaǵymdanýshylar bul rette densaýlyq saqtaý jáne áleýmettik damý ministriniń “Kásipter tizimin bekitý týraly” buiryǵyna silteme jasap, karerdegi taý jynystaryn tasymaldaýmen ainalysatyn júrgizýshiniń eńbekaqyny joǵary mólsherde alýǵa quqyǵy bar ekenin málimdeidi.
Jumysshylar ózderine tiesili tólemderdi: kásiptik mindetti zeinetaqy jarnalaryn aýdarýdy jáne eńbekaqyny joǵary mólsherde tóleýin talap etedi. Olar eńbek sharttaryna sáikes, BelAZ avtosamosvalynyń júrgizýshisi qyzmeti aýyr, ziiandy jáne qaýipti eńbek jaǵdailaryna jatatynyn, bul óz kezeginde aýrýǵa shaldyǵý qaýpimen bailanysty ekenin atap ótti.
