14-21 jeltoqsanǵa josparlanǵan sapar aıasynda 50-ge jýyq oqytýshy-professorlar Aqteńiz, Bilim ýnıversıtetteriniń qyzmetimen tanysyp, biliktilik arttyrady.
Delegasıa quramynda komendant, is basqarmasy, óndiristik seh, kitaphana, art ortalyǵynyń qyzmetkerleri, IT mamandar men jýrnalıser bar.
Aqteńiz ýnıversıteti – Túrkıadaǵy jetekshi joǵary oqý oryndarynyń biri. Túrkıada akademıalyq zertteýler negizinde jazylǵan ǵylymı maqalalar boıynsha Aqteńiz ýnıversıteti úzdik bestikke kiredi.
Jerorta teńiziniń jaǵalaýynda ornalasqan ýnıversıtet kampýsynda 250-den asa ǵımarat bar. Bilim ordasynyń ǵylymı-tehnologıalyq bazasy joǵary múmkindikterge ıe. Sondaı-aq logıstıkalyq komýnıkasıasy jolǵa qoıylǵan.
QazUÝ ujymy túrik joǵary bilim berý júıesimen etene tanysyp, oqý úderisin uıymdastyrý boıynsha tájirıbe almasatyn bolady. Sonymen qatar zamanaýı bilim berý, ınovasıalyq ázirlemeler men oqytýdaǵy ozyq tehnologıalar taqyrybynda trenıńterge qatysady. Sondaı-aq issapar barysynda birlesken bilim berý baǵdarlamalar men jobalardy iske asyrý boıynsha áriptestikti odan ári nyǵaıtý kózdelýde.
QazUÝ delegasıasymen kezdesýde Aqteńiz ýnıversıtetiniń Densaýlyq saqtaý salasyn basqarý isi kafedrasynyń meńgerýshisi Mustafa Choban sóz sóılep, aldaǵy ýaqytta da QazUÝ men Aqteńiz ýnıversıteti arasynda birlesken jobalar júzege asatynyn jetkizdi.
«Aqteńiz ýnıversıteti – Túrkıadaǵy eń úlken ýnıversıtet. Ál-Farabı atyndaǵy Qazaq ulttyq ýnıversıtetimen aldaǵy ýaqytta stýdentterge ǵylymı jetekshilik etetin kóptegen aýqymdy jobalardy júzege asyrýdy josparlap otyrmyz. Máselen, Aqteńiz ýnıversıteti medısına salasynda aýqymdy jetistikterge ıe, súıekke, betke plasıkalyq ota jasaý myqty jolǵa qoıylǵan. Tipti, plasıkalyq ota arqyly bedeýlikke ushyraǵan áıelderge ana bolý baqytyn syılaıdy. Týberkýlezdi zertteıtin arnaýly ortalyq jumys isteıdi», – dedi Mustafa Choban.
