Saltanatty qaqpa aldyna jinalǵan ár jylǵy tanymal túlekterdi Ál-Farabi atyndaǵy QazUÝ-dyń Basqarma Tóraǵasy – Rektory Janseiit Túimebaev qarsy aldy.
Qazaqstan Respýblikasy Konstitýtsiialyq Keńesiniń tóraǵasy, Ál-Farabi atyndaǵy QazUÝ Túlekter qaýymdastyǵynyń prezidenti Qairat Mámi, aqyn Oljas Súleimenov, kórnekti memleket qairatkeri Igor Rogov, «Turan» ýniversitetiniń rektory Rahman Alshanov, akademik-ǵalym Tólegen Qojamqulov, «Ekomed» emhanasynyń jetekshisi Saltanat Baiqoshqarova, «Vostochnoe rýdoýpravlenie» JShS Bas direktory Zelina Katranovalar túlekter atynan Ál-Farabi jáne Ó.Joldasbekov eskertkishine gúl shoqtaryn qoidy.
Ýniversitet kitaphanasyndaǵy Farabi, Elbasy, Abai, Alash zaldaryn tamashalap, kitap jáne sýret kórmesimen tanysty.
Odan keiin QazUÝ Túlekter qaýymdastyǵy Prezidiýmynyń saltanatty otyrysy bastaldy. Jiyndy QR Konstitýtsiialyq Keńesiniń tóraǵasy, Ál-Farabi atyndaǵy QazUÝ Túlekter qaýymdastyǵynyń prezidenti Qairat Mámi ashyp, metsenat-túlekterdiń demeýshiligimen atqarylyp jatqan jumystarǵa toqtaldy.
Atap ótsek, jańa oqý jylyna «Máńgilik El» saǵaty syiǵa tartylmaq.
Qairat Ábdirazaquly óz sózinde «Túlekter kúni – oqytýshy-professorlarǵa shynaiy qurmet kórsetý jáne QazUÝ-ǵa erekshe alǵys bildirý merekesi!» dei kele, bitirýshi túlekterge aq jol tiledi.
Kezdesý barysynda Túlekter qaýymdastyǵy prezidiýmynyń jańa quramy bekitilip, QazUÝ rektory Janseiit Túimebaev pen «Bugin Holding» basshysy Aibek Qýatbaev biraýyzdan múshelikke qabyldandy.
Alqaly jiynda sóz alǵan bilim ordasynyń rektory Janseiit Túimebaev QazUÝ-dyń el táýelsizdigin qurý jáne nyǵaitýǵa qosqan túlekteriniń úlesi jaily «Qairatkerler qoltańbasy» kitabynyń jazylyp jatqandyǵyna toqtaldy.
Sondai-aq Túlekter kúni qarsańynda atqarylǵan mańyzdy sharalarǵa da mańyz berip, geografiia jáne tabiǵatty paidalaný fakýltetinde Oljas Súleimenov atyndaǵy aýditoriianyń ashylǵanyn jáne aqynnyń 85 jyldyǵyna orai jaǵajai voleibolynan sporttyq týrnir ótkenin tilge tiek etti. Sonymen qatar Kópjasar Náribaev, Kenjeǵali Saǵadiev atyndaǵy aýditoriialardy ashý josparlanǵanyn jetkizdi.
Baǵdarlama barysynda memleket qairatkeri, diplomat, ǵalym-túrkolog Myrzatai Joldasbekov pen belgili qoǵam qairatkeri, tarih ǵylymdarynyń doktory, professor Láilá Ahmetova «Asa kórnekti túlek» altyn medaline ie boldy.
Sondai-aq QazUÝ basshysy Janseiit Túimebaev biologiia ǵylymdarynyń doktory Saltanat Baiqoshqarovaǵa «Ál-Farabi atyndaǵy QazUÝ-dyń qurmetti professory» ataǵyn tabystady. Al tehnika ǵylymdarynyń kandidaty Zelina Katranova «Ál-Farabi atyndaǵy QazUÝ-dyń qurmetti doktory» atandy.
Sońynan biylǵy úzdik túlekterge demeýshiler tarapynan arnaiy shákirtaqylar usynyldy.
Budan bólek, barlyq fakýltetterde ár jylǵy túlek ókilderimen onlain-kezdesýler uiymdastyrdy.
