Júzdesý barysynda taraptar yntymaqtastyqty odan ary nyǵaitý joldaryn talqylap, birqatar máselelerdi ortaǵa saldy.
Alǵash bolyp sóz alǵan QazUÝ rektory Janseiit Túimebaev oqý orny Birikken ulttar uiymynyń jáne onyń enshiles uiymdarymen tyǵyz qarym-qatynas ornatqandyǵyn atap ótti.
– Ál-Farabi atyndaǵy Qazaq ulttyq ýniversiteti – álemdegi jetekshi joǵary oqý oryndarynyń biri. Qarashańyraq QazUÝ bilim berý, ǵylymdy damytýǵa erekshe mańyz beredi. 2014 jyldan beri ýniversitet Birikken ulttar uiymynyń Turaqty damý boiynsha «Akademiialyq yqpal» baǵdarlamasynyń Jahandyq haby bolyp tabylady. Sonymen qatar bilim ordasy kóptegen halyqaralyq akademiialyq alańdarda turaqty damý maqsattaryn iske asyrýǵa óz úlesin qosýda, – dep atap ótti Janseiit Túimebaev.
Sondai-aq QazUÝ rektory oqý orny men IýNISEF uiymynyń arasyndaǵy ózara seriktestik aiasynda atqarylǵan jumystarǵa da toqtaldy.
– Sizderdiń uiymdaryńyzben birlesip ýniversitette kóptegen halyqaralyq deńgeidegi jiyndar ótip, birneshe jobalar sátti júzege asyryldy. Aldaǵy ýaqytta da osy taraptaǵy jumystarymyzdy jalǵastyrýǵa nietti ekendigimizdi jetkizgim keledi, – dedi QazUÝ rektory.
Óz kezeginde Artýr van Dizen IýNISEF-tiń mańyzdy mindetteri týrasynda áńgimeledi.
– IýNISEF úshin mańyzdy mindetterdiń biri – Qazaqstanda jáne álemde balalarǵa qolaily orta qalyptastyrý jáne bilim alýǵa múmkindik týdyrý. Osy oraida bizdiń Sizderdiń ýniversitetterińizdiń Ǵylymi-tehnologiialyq parkimen birlesip iske asyrǵan «UniSat» bilim berý jobasynyń máni men mańyzy erekshe. 2020 jyly iske qosylǵan jobanyń maqsaty – nanospýtnikterdi ázirleý boiynsha qyzdardyń bilimi men quzyrettiligin damytý. Sondai-aq joba komandada jumys isteý, kópshilik aldynda sóileý, taim-menedjment jáne kreativtilik siiaqty daǵdylardy jaqsartýǵa yqpal etedi, – dedi Artýr van Dizen.
Álemdik uiymnyń ókili óz sózinde QazUÝ-men aradaǵy yntymaqtastyqty joǵary baǵalaitynyn jetkizdi.
Bir bul ǵana emes. Búginde QazUÝ-dyń Filosofiia jáne saiasattaný fakýltetinde IýNISEF-tiń qoldaýymen halyqaralyq joba júzege asyrylýda. «Áleýmettik qyzmetkerler men mamandardy diplom alǵanǵa deiingi jáne diplom alǵannan keiingi daiarlaý men qaita daiarlaýdyń memlekettik baǵdarlamalaryn jetildirý» atty joba boiynsha áleýmettik qyzmetkerlerdi daiyndaý qolǵa alynyp otyr.
Bul joba IýNISEF-tiń balalar quqyqtaryn nyǵaitý jáne sapaly áleýmettik qyzmetter – densaýlyq saqtaý men sapaly bilim alýǵa teń qoljetimdilikti qamtamasyz etý missiiasymen úndes.
Jiyndy qorytyndylaǵan Janseiit Túimebaev BUU-nyń Jahandyq haby retinde ýniversitet atalǵan jobalar boiynsha jumysty ary qarai jalǵastyratynyn jetkizdi.
– Joǵary oqý orny retinde biz Bala quqyqtary týraly Konventsiiany sapaly iske asyrý jónindegi IýNISEF-tiń barlyq bastamalaryn qoldaýǵa daiyn ekenimizdi bildiremiz. Aldaǵy ýaqytta osy taraptaǵy naqty jumystarǵa mańyz beretin bolamyz, – dedi Janseiit Túimebaev.
