QazUÝ QS Sustainability reitinginde kósh bastady
«Basqarý modeli» indikatory boiynsha ýniversitet qazaqstandyq joǵary oqý oryndary arasynda eń joǵary nátije kórsetip, álemniń úzdik 200 JOO qataryna endi.
Biyl alǵash ret ótken reitingte QazUÝ 95 memleket pen aimaq baq synaǵan álemniń 1397 ýniversiteti arasynda 447-oryndy ielendi.
QS Sustainability – ýniversitetterdiń bilim berý jáne ǵylymi zertteý ortalyqtary retindegi áleýmettik jáne ekologiialyq áserin baǵalaidy.
Reiting ádisnamasyna úsh indikator boiynsha kórsetkishter engizildi: «Qorshaǵan ortaǵa áser etý» (turaqtylyq, bilim berý, zertteý) – 45%, «Áleýmettik áser» (teń jaǵdai jasaý, bilim almasý, bilim berý jáne ǵylymi qyzmettiń tiimdi áseri, túlekterdi jumysqa ornalastyrý, densaýlyq jáne ál-aýqat) – 45%, basqarý modeli – 10%.
«Qorshaǵan ortaǵa áser etý» sanatynda tek QazUÝ álemdegi eń úzdik 500-diń qataryna kiredi. Mansaptyq damý múmkindikteri men jumys berýshilermen ózara is-qimyldy baǵalaityn «Túlekterdiń jumysqa ornalasýy» indikatory boiynsha QazUÝ barlyq qazaqstandyq joǵary oqý oryndarynyń ishinen TOP-1000-ǵa engen jalǵyz ýniversitet.
Ýniversitet jetistigi QazUÝ-dyń BUU-nyń Turaqty damý jónindegi «Akademiialyq yqpal» baǵdarlamasynyń jahandyq haby retindegi belsendi qyzmetimen bailanysty. Bul jahandyq problemalardy sheshýdiń halyqaralyq úderisindegi basty bilim ordasynyń biri retinde Qazaqstannyń rólin kúsheitýge jáne Memleket basshysy Q.Toqaevtyń elimizde Ortalyq Aziia men Aýǵanstan úshin Turaqty damý maqsattary boiynsha óńirlik hab qurý jónindegi bastamasyn ilgeriletýge yqpal etedi.
Ýniversitettiń osy baǵyttaǵy kópjyldyq nátijeli jumysy men ǵylymi-bilim berý áleýeti qazirgi zamanǵy álemdi damytýdyń jahandyq trendi bolyp tabylatyn turaqty damý salasyndaǵy joǵary básekege qabilettiligin aiǵaqtaidy.
Reiting qorytyndylarymen tómendegi silteme boiynsha tanysýǵa bolady:
https://www.topuniversities.com/sustainability-rankings?region=Asia&countries=kz&order_by=asc
