«باسقارۋ مودەلى» ينديكاتورى بويىنشا ۋنيۆەرسيتەت قازاقستاندىق جوعارى وقۋ ورىندارى اراسىندا ەڭ جوعارى ناتيجە كورسەتىپ، الەمنىڭ ۇزدىك 200 جوو قاتارىنا ەندى.
بيىل العاش رەت وتكەن رەيتينگتە قازۇۋ 95 مەملەكەت پەن ايماق ب ا ق سىناعان الەمنىڭ 1397 ۋنيۆەرسيتەتى اراسىندا 447-ورىندى يەلەندى.
QS Sustainability – ۋنيۆەرسيتەتتەردىڭ ءبىلىم بەرۋ جانە عىلىمي زەرتتەۋ ورتالىقتارى رەتىندەگى الەۋمەتتىك جانە ەكولوگيالىق اسەرىن باعالايدى.
رەيتينگ ءادىسناماسىنا ءۇش ينديكاتور بويىنشا كورسەتكىشتەر ەنگىزىلدى: «قورشاعان ورتاعا اسەر ەتۋ» (تۇراقتىلىق، ءبىلىم بەرۋ، زەرتتەۋ) – 45%، «الەۋمەتتىك اسەر» (تەڭ جاعداي جاساۋ، ءبىلىم الماسۋ، ءبىلىم بەرۋ جانە عىلىمي قىزمەتتىڭ ءتيىمدى اسەرى، تۇلەكتەردى جۇمىسقا ورنالاستىرۋ، دەنساۋلىق جانە ءال-اۋقات) – 45%، باسقارۋ مودەلى – 10%.
«قورشاعان ورتاعا اسەر ەتۋ» ساناتىندا تەك قازۇۋ الەمدەگى ەڭ ۇزدىك 500ء-دىڭ قاتارىنا كىرەدى. مانساپتىق دامۋ مۇمكىندىكتەرى مەن جۇمىس بەرۋشىلەرمەن ءوزارا ءىس-قيمىلدى باعالايتىن «تۇلەكتەردىڭ جۇمىسقا ورنالاسۋى» ينديكاتورى بويىنشا قازۇۋ بارلىق قازاقستاندىق جوعارى وقۋ ورىندارىنىڭ ىشىنەن توپ-1000-عا ەنگەن جالعىز ۋنيۆەرسيتەت.
ۋنيۆەرسيتەت جەتىستىگى قازۇۋ-دىڭ بۇۇ-نىڭ تۇراقتى دامۋ جونىندەگى «اكادەميالىق ىقپال» باعدارلاماسىنىڭ جاھاندىق حابى رەتىندەگى بەلسەندى قىزمەتىمەن بايلانىستى. بۇل جاھاندىق پروبلەمالاردى شەشۋدىڭ حالىقارالىق ۇدەرىسىندەگى باستى ءبىلىم ورداسىنىڭ ءبىرى رەتىندە قازاقستاننىڭ ءرولىن كۇشەيتۋگە جانە مەملەكەت باسشىسى ق.توقايەۆتىڭ ەلىمىزدە ورتالىق ازيا مەن اۋعانستان ءۇشىن تۇراقتى دامۋ ماقساتتارى بويىنشا وڭىرلىك حاب قۇرۋ جونىندەگى باستاماسىن ىلگەرىلەتۋگە ىقپال ەتەدى.
ۋنيۆەرسيتەتتىڭ وسى باعىتتاعى كوپجىلدىق ناتيجەلى جۇمىسى مەن ءعىلىمي-بىلىم بەرۋ الەۋەتى قازىرگى زامانعى الەمدى دامىتۋدىڭ جاھاندىق ترەندى بولىپ تابىلاتىن تۇراقتى دامۋ سالاسىنداعى جوعارى باسەكەگە قابىلەتتىلىگىن ايعاقتايدى.
رەيتينگ قورىتىندىلارىمەن تومەندەگى سىلتەمە بويىنشا تانىسۋعا بولادى:
https://www.topuniversities.com/sustainability-rankings؟region=Asia&countries=kz&order_by=asc
