Magistranttardyń aldyn ala esepteýleri boiynsha qurylǵynyń ózindik quny otyz myń teńgeden asady. Kompiýterlik ǵylymdar zerthanasynyń meńgerýshisi Edil Nurahov aspaptyń jumys printsipin bylai túsindirdi:
– Biz ázirlegen modýlder túrli datchikterdiń kómegimen aýa alýdy júzege asyrady jáne derekterdi GSM/GPRS taratqysh arqyly serverge jiberedi. Server derekterdi qurylymdalǵan derekqor retinde saqtaidy. Olar kartadaǵy qalanyń ekologiialyq kórinisin bilýge, lastaný dinamikasyn anyqtaýǵa jáne ártúrli faktorlardy eskere otyryp, odan ári ózgerister týraly boljam jasaýǵa múmkindik beretin matematikalyq modeldermen óńdeledi, – deidi.
QazUÝ-dyń jas ǵalymdary Almatyda lastaný deńgeii óte joǵary kezeńde jańa ónertabystyń qajettiligi de ózekti ekendigin atap ótti. Qala turǵyndary men biznes ókilderi tarapynan bul qurylǵy óz tutynýshysyn tabady. Qala turǵyndary portativti qurylǵynyń kómegimen qalanyń ǵimarattaryndaǵy, aýlalaryndaǵy nemese aýdandaryndaǵy ekologiialyq jaǵdaidy anyqtai alady, al kásipkerler eko-ónimderdiń tizimin jasaý úshin biznestiń baǵyttaryn tańdai alady.
Jańa qurylǵyny jasaýshylar «Smatr Siti» tujyrymdamasy aiasynda jańa qurylǵyny qoldana otyryp, qalanyń ekologiiasyn saqtaýdyń tiimdi quralyn jasaýǵa bolatyndyǵyn atap ótti.
