Ál-Farabı atyndaǵy QazUÝ-dyń Baspasóz qyzmeti áleýmettik jelide jarıalanǵan beınetúsirilimge qatysty aqparatty joqqa shyǵarady.

№17 jataqhana 1990 jyly salynǵan. Bıyl barlyq stýdentter úıinde júrgizilgen aǵymdaǵy jóndeý jumystary kezinde esikteri aýystyrylyp, tońazytqyshtar men elektr plıtalary jańartyldy.

Tósek-oryndary men jamylǵylar jańadan alynyp, jıhazdar aýystyryldy. Santehnıka jáne elektrlik jelileri ornatyldy. Jańa oqý jylynda dezınfeksıalyq jumystar júrgizildi. Búgingi arnaýly reıd barysynda jataqhana qaıta tekserilip, áleýmettik jelidegi aqparat rastalǵan joq. Stýdentter tarapynan shaǵymdar aıtylmady.

Stýdentter qalashyǵynyń dırektory Ábdiqahar Seıitjanov:
Aǵymdaǵy jóndeý jumystary kezinde jataqhanadan stýdentter shyǵaryldy. Arnaıy qurylysshylar jumys istedi. Áleýmettik jelidegi jarıalanǵan beınetúsirilim jaz mezgilinde túsirilgen. Oqıǵany qazir bolyp jatqan sekildi kórsetip otyr. Búgingi tańda mundaı keleńsiz jaǵdaılar oryn alǵan joq.

Ál-Farabı atyndaǵy QazUÝ fılologıa fakúltetiniń stýdenti Tomırıs Qýanysh:
Ál-Farabı atyndaǵy QazUÝ-da álimjettik kórsetilip jatyr degen máselege kelispeımin. Qarashańyraq QazUÝ-dyń fılologıa fakúltetine ata-ájesiniń tárbıesin kórgen jastar oqýǵa túsedi dep sanaımyn. Úlken áýlettiń tárbıesin kórgen, sondaı-aq qazaqtyń tili men ádebıetin oqıtyn balalar bir-birine álimjettik jasap, telefonyn tartyp alady dep oılamaımyn.

Ál-Farabı atyndaǵy QazUÝ fılologıa fakúltetiniń stýdenti Kenjebek Baltabaı:
Jigitterdiń arasynda álimjettik kórsetý buǵan deıin bolǵan emes. Bizdiń fakúltette sanaýly uldar bar. Bárimiz aǵa-inideı sóılesip, bir-birimizge syılastyq tanytamyz. Fakúltettiń kez-kelgen jigitinen surasańyz barlyǵy osylaı jaýap beredi dep oılaımyn.