Qazaqstannyń Saýda jáne integratsiia ministrligi AQSh-tyń Irannyń ońtústigine jasaǵan áýe soqqylary kezinde Qazaqstan jalǵa alǵan portqa shabýyl jasaldy degen aqparatty joqqa shyǵardy, dep habarlaidy dalanews.kz.
"Za nami ýje vyehali" telegram arnasynyń málimetinshe, buqaralyq aqparat quraldary men áleýmettik jelilerde "Qazaqstan keshe ǵana jalǵa alǵan port AQSh-tyń áýe shabýylynan zardap shekti" degen mazmundaǵy habarlamalar taraǵan. Alaida ministrlik bul málimettiń shyndyqqa sáikes kelmeitinin málimdedi.
"Qazaqstan jalǵa alǵan aýmaqqa eshqandai áýe soqqysy jasalǵan joq. Taralǵan taqyryp pen ondaǵy málimdemeler shyndyqqa janaspaidy", – delingen ministrliktiń resmi habarlamasynda.
Aita keteiik, buǵan deiin birqatar sheteldik aqparat quraldary AQSh-tyń Irannyń ońtústigindegi nysandarǵa, sonyń ishinde Ormýz buǵazy mańyndaǵy portty qalalar men araldarǵa soqqy jasaǵany týraly habarlaǵan. Osydan keiin keibir jariialanymdarda bul oqiǵa Qazaqstan jalǵa alǵan portpen bailanystyrylyp, jańsaq aqparat taraǵan.
