Batys Qazaqstan oblysy Qaztalov aýdandyq veterinariialyq stantsiiasynyń bas býhgalteri 106,6 mln teńgeden astam biýdjet qarajatyn jymqyrǵany úshin sottaldy, dep habarlaidy dalanews.kz.
Batys Qazaqstan oblystyq sotynyń málimetinshe, sottalýshy memlekettik fýnktsiialardy júzege asyratyn tulǵalarǵa teńestirilgen qyzmetker bola tura, 2021–2025 jyldar aralyǵynda biýdjet qarjysyn óz shotyna zańsyz aýdaryp otyrǵan.
Ol qarajatty jalaqy, saýyqtyrý járdemaqysy jáne issapar shyǵyndary retinde rásimdep, jalpy 106 647 070 teńgeni iemdengen. Tergeý derekterine sáikes, jymqyrylǵan aqshany jeke qajetine, sonyń ishinde býkmekerlik keńselerdegi oiyndar men sporttyq básterge qatysýǵa jumsaǵan.
Sot barysynda aiyptalýshy óz kinásin tolyq moiyndady. Alaida memleketke keltirilgen shyǵyn áli ótelmegen.
