QazUÝ komandasy voleiboldan XI jazǵy ýniversiadada jeńiske jetti
Oqý ornynyń basshysy Janseiit Túimebaev sportshylardy aiqyn jeńisimen quttyqtady. Rektor ýniversitet qurama komandasy men onyń bapkeri, Qazaq KSR-niń eńbek sińirgen jattyqtyrýshysy Viktor Jýravlevtiń eren eńbegi men joǵary kásibi deńgeiin atap ótip, jastarǵa sport pen oqýda jańa tabystar tiledi.
Ýniversiadanyń sport alańdaryndaǵy tartysty doda 12 mamyrda bastalyp, búgin óz máresine jetti. Jarysqa elimizdiń 10 joǵary oqý ornynyń eń myqty komandalary qatysyp, baq synasty.
Qazylar alqasy shyǵarǵan qorytyndy boiynsha, Ál-Farabi atyndaǵy Qazaq ulttyq ýniversiteti I-oryndy qanjyǵasyna bailap, jeńimpaz ataǵyn saqtap qaldy. Al II-oryndy Q.Iassaýi atyndaǵy Halyqaralyq qazaq-túrik ýniversiteti ielense, júldeli III-orynǵa Qorqyt Ata atyndaǵy Qyzylorda memlekettik ýniversiteti laiyqty dep tanyldy.
Sondai-aq búgin Almaty men Taldyqorǵan JOO-larynyń 6 komandasy qatysqan qyzdar arasyndaǵy voleiboldan týrnir aiaqtaldy. Ál-Farabi atyndaǵy QazUÝ komandasy I.Jansúgirov atyndaǵy Taldyqorǵan ýniversitetiniń komandasynan basym túsip, jeńis tuǵyrynan kórindi.
Barsha jeńimpazdardy shyn júrekten quttyqtaimyz! Sportshylarǵa sáttilik, kúsh-qýat pen zor senim tileimiz!
