قازۇۋ كومانداسى ۆولەيبولدان XI جازعى ۋنيۆەرسيادادا جەڭٸسكە جەتتٸ
وقۋ ورنىنىڭ باسشىسى جانسەيٸت تٷيمەباەۆ سپورتشىلاردى ايقىن جەڭٸسٸمەن قۇتتىقتادى. رەكتور ۋنيۆەرسيتەت قۇراما كومانداسى مەن ونىڭ باپكەرٸ, قازاق كسر-نٸڭ ەڭبەك سٸڭٸرگەن جاتتىقتىرۋشىسى ۆيكتور جۋراۆلەۆتٸڭ ەرەن ەڭبەگٸ مەن جوعارى كەسٸبي دەڭگەيٸن اتاپ ٶتٸپ, جاستارعا سپورت پەن وقۋدا جاڭا تابىستار تٸلەدٸ.
ۋنيۆەرسيادانىڭ سپورت الاڭدارىنداعى تارتىستى دودا 12 مامىردا باستالىپ, بٷگٸن ٶز مەرەسٸنە جەتتٸ. جارىسقا ەلٸمٸزدٸڭ 10 جوعارى وقۋ ورنىنىڭ ەڭ مىقتى كوماندالارى قاتىسىپ, باق سىناستى.
قازىلار القاسى شىعارعان قورىتىندى بويىنشا, ەل-فارابي اتىنداعى قازاق ۇلتتىق ۋنيۆەرسيتەتٸ I-ورىندى قانجىعاسىنا بايلاپ, جەڭٸمپاز اتاعىن ساقتاپ قالدى. ال II-ورىندى ق.ياسساۋي اتىنداعى حالىقارالىق قازاق-تٷرٸك ۋنيۆەرسيتەتٸ يەلەنسە, جٷلدەلٸ III-ورىنعا قورقىت اتا اتىنداعى قىزىلوردا مەملەكەتتٸك ۋنيۆەرسيتەتٸ لايىقتى دەپ تانىلدى.
سونداي-اق بٷگٸن الماتى مەن تالدىقورعان جوو-لارىنىڭ 6 كومانداسى قاتىسقان قىزدار اراسىنداعى ۆولەيبولدان تۋرنير اياقتالدى. ەل-فارابي اتىنداعى قازۇۋ كومانداسى ٸ.جانسٷگٸروۆ اتىنداعى تالدىقورعان ۋنيۆەرسيتەتٸنٸڭ كومانداسىنان باسىم تٷسٸپ, جەڭٸس تۇعىرىنان كٶرٸندٸ.
بارشا جەڭٸمپازداردى شىن جٷرەكتەن قۇتتىقتايمىز! سپورتشىلارعا سەتتٸلٸك, كٷش-قۋات پەن زور سەنٸم تٸلەيمٸز!
